أنا وعائلتي

ازاى نستغل الاجازة والقاعدة فى البيت مع الابناء

ازاى نستغل الاجازة والقاعدة فى البيت مع الابناء

ازاى نستغل الاجازة والقاعدة فى البيت مع الابناء

#هنعمل_ايه_في_الاجازة؟!
مبدئيا محتاجين نبص للموضوع بطريقة ايجابية اننا هنخليه وقت الولاد لما يكبروا يفكرونا بيه و قد ايه فرق معاهم…😍
#ثانيا قلقنا و توترنا من قعدتهم بيوصلهم حتي اذا مقولناش ليهم لأن في خلايا في المخ بتخلي الشعور السلبي يتنقل للشخص الاخر لا اراديا و بدون ما نقول… طبعا ده هيخلي سلوكهم يسوء و نقضي الفترة دي كلها خناق …

ازاى نستغل الاجازة والقاعدة فى البيت مع الابناء


#طيب_الحل_ايه_للقلق
 (١)ناخذ بالاسباب
(٢) قل لن يصيبنا إلا ما كتب الله لنا
 #نيجي_بقي_للانشطة:
هنقعد مع ولادنا في اجتماع كده و نقول
“دلوقتي احنا هنقعد اسبوعين في البيت و محتاجين نملئ اليوم عشان منزهقش خصوصا ان الوقت المحدد للشاشات هيكون من ساعة لساعتين(حسب العمر).. ها قولولي ايه اقتراحاتكم”😉
طبعا ممكن يفضلوا يقولولك دي اجازة و نعمل فيها اللي عاوزينه ……
 انما انتي بكل حب و حزم قوليلهم “انا عارفة انما احنا هنظبط اليوم عشان ميضيعش مننا و نستمتع بيه و خصوصا ان مفيش شاشات”😉

ازاى نستغل الاجازة والقاعدة فى البيت مع الابناء


ناس كتير نزلت انشطة مقترحة … انا حابة الاطفال يطلعوا افكار عشان يتفاعلوا معاكي و يلتزموا بيها ….و هسيبلك لينكات لافكار تحت.. 😉
#لنفسية ابنك في ٤ حاجات محتاج يعملها  الطفل او المراهق بتفرز هرمون السعادة  و بالتالي تقلل سوء السلوك و الملل….
#اولا روحانية (اذكار / قرآن/ يتفرج علي برنامج لاي من الدعاه /يقرأ قصص عن الانبياء او يتفرج علي برنامج )
#الجسد يعمل تمارين.. (يلعب هو و اخواته انه المدرب و احنا بنتعلم منه و كل واحك ياخد دور / نتفرج علي تمارين و نقلدها و في حاجة علي الUtube اسمها walkwalkحلوة) دي مهمة اوي لانها بتفرز هرمون السعادة

ازاى نستغل الاجازة والقاعدة فى البيت مع الابناء


#هواية ..حاجة يطلع فيها طاقته ( رسم/كتابة/ تلوين/قراءة ..)
#علاقات (يكلم اقاربه/اصحابه / نعمل تجمع عائلي صغير مثلا / نجيب حد من اصحالنا البيت..)
#اهم_حاجة
نهتم اننا نبني علاقة الفترة دي … انا عارفة انها فترة هيكون فيها اكيد زهق و عصبية .. انما هنقعد و نتكلم مع ولادنا…. “انا متفهمة مشاعركم و تجنبا للمشاكل هنحتاج لما حد فينا يتعصب يسيب المكان و يهداء و بعدين نتكلم و مش مسموح بالزعيق و لا اي كلام غير محترم في البيت … و محتاجين نعمل rules في البيت للمشاكل بين الاخوات اللعبة اللي هنتاخنق عليها تتشال و كل واحد يروح يهداء و بعدين نتكلم” ..و فكري معاهم ممكن  نزود rules ايه و نكتلها في ورقة و نمضي عليها كلنا😉

ازاى نستغل الاجازة والقاعدة فى البيت مع الابناء


#اخيرا كتروا الاحضان و الهزار و الضحك و الوقت الخاص / وقفي نقض و نصايح و زعيق 😉 ..
#اقتراحات_انشطة
 -نعمل ورق في برطمان فيها شغل البيت و نعمل لعبة اللي يختارها يعملها..
-نعمل مسرحيات مع بعض
-مونوبيلي/جينجة/كونكت فور/كوتشينه.. نعمل صلصال مع بعض
استمتعي بيهم احنا كده كده قاعدين في البيت فا ننبسط نع بعض و يكون وقت ممتع🌷
د.زهراء محمد استشاري نفسي و مدربة تربية ايجابية و اخصائي تعديل سلوك
المصدر:Enjoy Being A Parent – قَرَّةٌ عَيْنَ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *