هنسافر برا ؟

السفر لألمانيا : التحضير للإختبار تجربة شخصية حول طريقة إجتيازه

السفر لألمانيا : التحضير للإختبار تجربة شخصية حول طريقة إجتيازه

سوف نقدم لكم اليوم في موقعكم المفضل موقع يفيدك مقالة مميزة بعنوان السفر لألمانيا : التحضير للإختبار تجربة شخصية حول طريقة إجتيازه مقدمه من الجروب المميز جروب المصريين في ألمانيا، هيا بنا لقراءة المقالة سويا . 

كنت حابب اتكلم في النقطة دي اكتر من المعلومات العامة عن السنة التحضيرية وكدا لانوا انا ي وجهة نظري انوا الامتحان مش شايف ناس بتتكلم عنه كتير وعن اجوائه وبالتالي في نقص في المعلومات عنه وبالتالي كنت حابب انقل تجربتي في الامتحان دا بحيث انها تساعد في انها  تعطي اي واحد ناوي يدخل الامتحان دا يعني صورة للوضع هيبقى عامل ازاي
 تنوية بس النقاط الي جاييه دي من تجربتي الشخصية الي ممكن تناسبك او ممكن تعدل عليها او تشوف انها ملهاش لازمة براحتك خالص  :

– من اكبر مشاكل الامتحان دا انوا  مفيش حاجة محددة ( في الرياضيات او في الالماني )  لو خلصتها يبقى انتا تضمن انك هتعدي الامتحان يعني مثلا كتاب معين او مجموعة تدريبات معينة الموضوع محتاج انك تكون عقلك وتركيز من الرياضيات والدويتش في كافة فروعهم على الاقل في الشهرين الي قبل الامتحان

– الموضوع فيه بعض الحظ ولكن الحظ مابيجيش غير للشخص الي درس للامتحان كويس وحضرله  تمام

– في بعض المعاهد الي بتعطي كورسات تحضير للامتحان مثال على كدا معهد هارتناك شوله في برلين الكورس تكلفته 245 لمدة شهر

– راي الشخصي انوا كورسات التحضير دا مش هتسفيد فيها وانها غير كافية بتاتا لانك تعدي الامتحان  وانوا الوقت الي هتضيعه على الكورس ممكن تذاكره مع نفسك هيبقى افضل بكتير قوي( نظرية انك تروح لحد يلخصلك الموضوع او انوا هيديك الزبدة او الروشتة الي هتنفذها فا تعدي الامتحان دي هتلبسك في الحيطة  )

– الكورس كان من الساعة 12:45 وكان بينتهي الساعة 4  فكان اليوم بيبقى ضايع تقريبا  ومبتعرفش تذاكر على الاقل 4 ساعات على بعض بعدا الكورس ( انا في راي  انوا معدل 4 ساعات مش كفاية )

– محتوى الكورس كان اي كلام الصراحة (كان كل يوم بيجيبلك اوراق عمل تدربك على جزء من اجزاء اللغة مثال يوم للسماعي يوم للقواعد يوم للكتابة ويوم للقراء ويوم الlucke مع انوا الامتحان في اغلب الجامعات مابيجيش فيه غير ال lucke)

– الكورس ما كانش فيه تحضير للرياضيات
– في كورس اسمه mathematik brücken kurs هتلاقوه في معهد الvolkshochschule  مش غالي وانا مجربتوش بس معلوماتي عنه انوا الكورس مش موجه لينا دا موجه للطلاب الالمان اكتر كا اعادة تاهيل في الرياضيات او ما شابه فا الراجل الي بيشرحه بتلاقيه بيتكلم بسرعة جدا فا ممكن ميبقاش فيه استفادة كويسة

– مشكلة اخرى في الامتحان هيا مشكلة السرعة والوقت لو انتا محضر كويس هتلاقي انك عارف تحل كل حاجة تقريبا بس المشكلة في الوقت متخليش الموضوع دا يفوتك ( ارشح انك تددرب كويس على الجزئيات الي جاية وتتقنها كويس في الرياضيات والالماني وبعد كدا اتدرب على موضوع الوقت دا كتييير واديله اهتمام كبير بعد اما تتقن المعلومة الرئيسية )

طريقة التحضير للالماني  :

اول حاجة ركز انتا هتدخل الامتحان في جامعات ايه وابدا خد النماذج جامعة جامعة وحدد انواع الاسئلة الي بتجي

كمثال انا كنت ناوي ادخل امتحان جامعة برلين التقنية فا جبت النماذج ولقيت انوا امتحان الالماني بتاعهم بيجي فيه التالي )
(lücke / c-test grammtik / hören verstehen )

• lücke
– اشتريت كتاب mut zur lucke  الاصفر كان كتاب ممتاز الصراحة وحليته مع مراعاة النقاط التالية :

1- حل كل فقرة وبعدين صلح لنفسك
2- بعد التصليح طلع الكلمات الجديدة عليك واحفظها
3- حاول تفهم كل كلمة لو صح صح ليه ولو غلط غلط ليه
4 -اعمل لسنه للكلمات الي مش بتعرف تخمنها بشكل كويس وبتغلط فيها بشكل متكرر
واحفظها
5 – ذاكر القواعد الي بتغلط فيها

6 – متعديش اي كلمة من ايدك وانتا مش عارف هيا نوعها ايه ومعنها ايه او استخدامها
ازي (مثال في كلمات كانت    بتقابلني زي zwar /ehe/daadurch  وكنت بقعد ابقى فاهم المعنى بشكل عام لكن مش فاهم كويس دول معناهم ايه او ضافوا ايه للجملة بالظبط الحاجات الي زي دا متخليهاش تفوت من تحت ايدك فالاغلب هتكتشف انها حاجات جديدة او كانت حجات في قواعد سابقة بس انتا مدرستهاش )

7- حل نماذج الجامعة

8 – النقطة دي متقدمة بس مهمة جدا جدا جدا درب نفسك على انك تحل في الوقت المطلوب في الامتحان الي فات الي انا عملته كان مطلوب انك تحل 50 فراغ في خلال 12:30 دقيقية في الاغلب دي بتبقى المشكلة النقطة دي مهمة جدا جدا

• c-test grammtik

من المذاكرة والاطلاع على نماذج الامتحانات كانت دي السته بتاعت القواعد الي انا ذاكرتها والحمدلله جابت نتيجة
1-Konjunktionen (كل انواعهم )
2-Aktiv und passiv formen ( mit modal verben und ohne modal verben )

3-Konjunktiv 2
4-Inderekt rede (konjunktiv 1 )
5-Relativsätze
6-Präpositionen mit dativ und akkusativ und wechsel präpositionen
7-Bedeutungen der präpositionen
8-Adjektivdeklinationen
9-Partizip 1 und 2 als adjektiv

مع حفظ بعض اللستات مثال
1-Verben mit präpositionen
2-Adjktive mit präpositionen

المراجع الي انا استخدمتها في الدراسة هما
الموقع الأول
الموقع الثاني

übungsgrammtik für die mittelstufe übung buch

• Horen

 دا كان بالنسبة ليا اصعب جزء في الامتحان لانوا ما كنتش كويس فيه قوي بس انا مشيت في مساريين واحد فيهم طويل الامد ومش مركز والاستفادة منوا مش مباشرة  بشكل قوي والتاني انا كنت شايفهم انوا هوا الحل الامثل

اول حاجة حدد المشكلة الي كانت عندي : مشكلة السماعي هوا صعوبة تسجيل الكلام اثناء الاستماع للنص

-الطريق الاول : هوا الاستماع للراديو وقنوات اليوتيوب وانصحكم باتنين حلوين قوي
– Dradiowissen ( radio )
– MrWissen2go (Youtube )

الطريق او المسار التاني (الافضل من وجهة نظري ) : هوا انك تنزل امتحانات dsh  وتحل الجزء السماعي فيها او بيبقى فيه بعض الكتب بتدرب علي السماعي اشتريلك واحد

اهم نقطة فيها انك تعرف تكتب ملاحظات تقدر تكتب من خلالها الاجابة بعد اما  البروفسور يبطل كلام

المسار الي في الاول بتاع الراديو وقنوات اليوتيوب هيخليك فاهم السماعي بتاع الشارع اكتر وبيكون اسرع واكثر تعقيدا من السماعي بتاع dsh  وفي الاغلب مببيقاش عليها تدريبات او كدا

نقطة تانيه الوقت حاول عود نفسك انك تحل او تعيد صياغة الملاحظات بتاعتك في بسرعة ادرب على الموضوع دا جدا جدا جدا (في امتحان برلين التقنية كان فيه 14 سؤال سماعي وبعد اما خلص القراءة التانيه اعطانا حوالي 9 دقايق علشان تظبط الملاحظات بتاعتك وتحطها في شكل اجابات مظبوطة )

•ملاحظات عامة على امتحان الالماني

بشكل عام حاول خليك في الشهريين الي قبل الامتحان في مود اللغة اسمع اغاني الماني او اقرا الكتب بالالماني

معظم امتحانات الجامعات الاخرى بتبقى عبارة عن lücken text 

طريقة التحضير للرياضيات   :
1-ادخل على مواقع الجامعات الي بتعطي سنة تحضيرية  ونزل كل الامثلة الي بيحطوها للرياضيات وحلها وكل اما تلاقي فكرة مش فاكرها كويس سجلها في ورقة وبعدين ذكرها تاني

2-بلاش تبدا تراجع الرياضيات من اول وجديد الموضوع دا اهدار للوقت
3-ركز على الافكار الي بتيجي في امثلة امتحان الجامعة الي انتا هتدخل الامتحان بتاعها
4-انا ذاكرت الرياضيات من كتب الثانوية العامة بتاعتي
5 – الامتحان مافيهوش الة حاسبة
6-دور على اليوتيوب في طرق كتير جدا وحلوة جدا انك الحاجات البسيطة نفس الضرب والقسمة والقسمة المطولة وايجاد الجذور شوفلك طريقة لكل حاجة من دول واحفظها واتمرن عليها علشان توفر معاك في وقت حل المسائل

7-اغلب امتحانات السنة التحضيرية بتكون الاسئلة مش صعبة لكن المشكلة بتبقى انوا الوقت مش كافي دور على طريق تسرع حلك للمسائل

8-في كتاب لونه غالبا بيبقى ابيض كدا اسمه (mathematic bracken kurs ) الكتاب دا حلو ممكن تبقى تذاكر منه مواضيع معينة علشان تعرف المصطلحات باللماني

9-مافيش كتب او مراجع او اي مادة محددة لو خلصتها او ذاكرتها يبقى انتا كدا تضمن انك تعدى الامتحان

10-فيه كتاب اسمه (das große tafelwerk)  دا تقريبا عبارة عن كتاب ملخص القوانين بتاعت الرياضيات والفيزيا ناس كتير بتقول انوا كويس وبشكر فيه بس انا مجربتهوش الصراحة كنت بعمل ملخصات القوانين والافكار بنفسي

خلال مذاكرتي للرياضيات عملت ملخص للمواضيع الي قابتلني وذاكرتها بس المشكلة انوا اسماء الحاجات بالعربي بس هرفعها في الصور مع البوست

التحضير بشكل عام :
-حاول احتك دايما وخليك على تواصل مع الناس الي داخلة الامتحان شجعوا بعض نقطة مهمة جدا .

-حاول دايما تخليك في جو ومود اللغة خصوصا في الشهرين الي قبل الامتحان .

-بلاش الدراسة بشكل عشوائي .

-ناس كتير بتكون بتخاف من الرياضيات وانها بالالماني وكدا بسس انا نصيحتي خاف من الدويتش وانا في راي انوا الدويتش الاهم الدويتش بيبقى عليه في كل الامتحانات تقريبا الدرجة الاعلى ( في جامعة برلين التقنية عليها 60 دجة من اصل 100 درجة ) ركز على الدويتش كويس واديله حقه ويمكن اكتر شوية .

-ركز على الجامعة الي امتحانها هتعمله الاول وحاول شوف ناس عملوا الامتحان قبل كدا .

-لو انتا هتبدا فترة تحضير للامتحان كبيرة يعني شهرين اول تلاته اعمل حسابك انوا في نهاية الفترة دي هتلاقي نفسك ذاكرت كل حاجة تقريبا لما توصل للشعور دا متسيبش المذاكرة اوعى تسيب المذاكرة  وابدا راجع على الحاجات الي انتا ذاكرتها (القواعد / الرياضيات وافكارها وقوانينها / حل سماعي زيادة / راجع الكتاب mut zur lucke ).

قد تحب قراءة : 
ـ الدراسة في ألمانيا : الأسئلة العامة لمقابلة السفارة

ـ الدراسة في ألمانيا : المطلوب مني بعد الحصول علي الفيزا ؟ حاجات مهمة تاخدها معاك من مصر

ـ السفر لألمانيا : ماذا بعد الوصول لألمانيا ؟

ـ السفر لألمانيا : العمل في ألمانيا كطالب

ـ السفر لألمانيا : ما هو المطلوب حتى ادرس في ألمانيا ؟

ـ السفر لألمانيا : لو جواز السفر ضاع تعمل ايه ؟

ـ السفر لألمانيا : الحصول على قبول معهد لغة في ألمانيا ؟

ـ السفر لألمانيا : خطوات فيزا اللغة Sprachkurs Visum

ـ السفر لألمانيا : معلومات عن السنة التحضيرية Studienkollegs

ـ السفر لألمانيا : ما هي السنة التحضيرية ؟ 

ـ السفر لألمانيا : دراسة الماجستير والدكتوراه في الجامعات الألمانية

ـ السفر لألمانيا : كيفية الحصول على قبول بنفسك

ـ السفر لألمانيا : أسباب الرفض في الجامعات الألمانية

ـ السفر لألمانيا : فتح حساب مغلق في دويتش بنك

ـ السفر لألمانيا : البطاقة الزرقاء ” اقامة للعمل”


ـ السفر لألمانيا : تجربة فيزا البحث عن العمل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *