هنسافر برا ؟

السفر لألمانيا : المطلوب مني بعد الحصول علي الفيزا ؟ حاجات مهمة تاخدها معاك من مصر

الدراسة في ألمانيا : المطلوب مني بعد الحصول علي الفيزا ؟ حاجات مهمة تاخدها معاك من مصر

اتصلوا بيا وقالولي الفيزا جتلك !
اعمل اي؟
أولاً مبرووك
1-نيجي على الورق المهم :
لو انت مش عامل تأمين 3 شهور ، تروح تعمله من أي شركة تأمين
عندك شركتين حلويين
* Allianz : الموقع الرسمي الخاص بها
*بيت التأمين المصري السعودي : الموقع الرسمي الخاص به

2- تطلع تجيب تذكرة :
عشان تبقا فاهم ، مفيش أرخص من مصر الطيران مباشر من مصر لألمانيا نوع الطيارة المستخدمه boeing 737
ومعاك شنطتين كل شنطة 23 كيلو ( وومكن تزودهم 😉 ) و حقيبة يد 8 كيلو
*شنطة اللاب توب لا تحسب
أو الطيران التركي و فيها ترنزيت في اسطنبول *نوع الطيارة المستخدمة A320
30 كيلو و 10 كيلو حقيبة يد *شنطة اللاب توب لا تحسب
كل ما كنت بدري في الحجز كل / لما لقيت سعر رخيص للتذكرة .
*أوعى تشتري وزن زيادة (خليك ناصح 😉 )

3-تذكرة القطر:
لو هاتنزل مطار فرانكفورت ،
احجز تذكرة دويتش بان DB من فرع مصر الطيران الي في محافظتك
*ولازم تبقا حاجز مصر الطيران
لو نازل اي مطار تاني:
اطلع على شركة Travel choice
هي ده الشركة الوحيدة في مصر الي واخده حق حجز القطرات في اوروبا.

4- الملابس:
كلسوناتك معاك ، ملابسك الداخليه معاك ، و 2بنطلون جينز على كام قميص ، على كام فانلة صيفية وشتوية.
الجواكت هات اتين كويسين ، ولما تيجي هنا تشتري واحد كمان عشان الكوالتي هنا احسن
هات اتنين سكارف
الاحذية هات اتنين معاك و تعالى هنا اشتري واحد سفتي
متنساش الشبشب ابو صباع عشان الحمام وكده 😀

5- الشطافة :
أهم حاجة ممكن تجبها : الشطافة علي جوميا

6- متعلقات:
كتبك معاك
دفاتر و اقلام معاك
لابك معاك ، بس لوعاوز تشتري واحد جديد تعالا هنا اشتريه احسن
سمارت فون معاك ، ولو عاوز تشتري جديد تعالا هنا اشتريه
معالق وسكاين و طاسه وحله

7- الطعام:
هات علب بوليف و كام كوز لينشون و عيش لأول كام يوم
نعناعك و كمونك و توابلك الحلوه.

8- السكن:
لو نازل على اصحابك ، قرايبك ،، تمام
لو مش حاجز ، هتلاقي شقق و غرف على المواقع ده :
الموقع الأول
الموقع الثاني
الموقع الثالث
الموقع الرابع
الموقع الخامس
الموقع السادس 
*متدفعشي حاجة تحت الحساب نهائياً *نصابين سعات*
فشلت كل المحولات تلاقي سكن
اكتب كلمة Hostel + اسم مدينتك على جوجل
هتلاقي غرف اجارها في اليوم 21 يورو (حلو انزل عليها و بعد كده دور).
لو أنت طالب جامعة ممكن تسكن في سكن الطلاب
قدم عليه عن طريق كتابة
Studenten werk + مدينتك

9- و أنت جاي هات 500 يورو في ايدك ، حتى ما تفتح الحساب.
حمد لله على سلامتك ^^

المصدر : جروب المصريين في ألمانيا 

قد تحب قراءة : 
ـ الدراسة في ألمانيا : الأسئلة العامة لمقابلة السفارة

ـ السفر لألمانيا : ماذا بعد الوصول لألمانيا ؟

ـ السفر لألمانيا : العمل في ألمانيا كطالب

ـ السفر لألمانيا : ما هو المطلوب حتى ادرس في ألمانيا ؟

ـ السفر لألمانيا : لو جواز السفر ضاع تعمل ايه ؟

ـ السفر لألمانيا : الحصول على قبول معهد لغة في ألمانيا ؟

ـ السفر لألمانيا : خطوات فيزا اللغة Sprachkurs Visum

ـ السفر لألمانيا : معلومات عن السنة التحضيرية Studienkollegs

ـ السفر لألمانيا : ما هي السنة التحضيرية ؟ 

ـ السفر لألمانيا : التحضير للإختبار تجربة شخصية حول طريقة إجتيازه 

ـ السفر لألمانيا : دراسة الماجستير والدكتوراه في الجامعات الألمانية

ـ السفر لألمانيا : كيفية الحصول على قبول بنفسك

ـ السفر لألمانيا : أسباب الرفض في الجامعات الألمانية

ـ السفر لألمانيا : فتح حساب مغلق في دويتش بنك

ـ السفر لألمانيا : البطاقة الزرقاء ” اقامة للعمل”


ـ السفر لألمانيا : تجربة فيزا البحث عن العمل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *