هنسافر برا ؟

السفر لألمانيا : تجربة السفر لألمانيا

تجربة السفر لألمانيا

سوف نقدم لكم اليوم في موقعكم المفضل موقع يفيدك مقالة مميزة بعنوان السفر لألمانيا : تجربة السفر لألمانيا مقدمه من الجروب المميز جروب المصريين في ألمانيا، هيا بنا لقراءة المقالة سويا . 

أولا احب اشكر كل الجروب والقائمين عليه لان عن طريق منشوراتكم و تعليقاتكم انا مكنتش عرفت ولا وصلت الحاجة شكر لكل شخص بيساعد شكرا لكل شخص بيدى غيره امل و يخليه يكمل و شكر خاص للاستاذ محمد شحاته و النصائح المفيدة فى كل فيديو.
تجربة الحصول على فيزا دراسة لغة اكتر من 3 شهور. متخليش حد يحبطك زي ما كل اللى قبلى قالوا من توكل على الله فهو حسبه اجتهد انت بس و ان شاء الله ربنا يسهلها انا ابتديت انى اتعلم مع نفسى و بعد كده اخدت كورس A1, A2 بالنسبة للضامن المالى اللى من المانيا السفارة بتقبله عادى لو ليك حد فى ألمانيا خليه يروح مكتب الاجانب و يعملك الدعوة و الاقرار المالى تكلفته 25 يورو و تحجز معهد لغة، مقابلتى كانت يوم 15.09.2016 دخلت المقابلة و كل اللى كان معايا الاتى:-
الابلكيشن
الاقرار الامنى انجليزى
 الدعوة بالاقرار المالى و المعيشة
مفردات مرتب لاخر ست شهور للضامن المالى
حساب البنك لاخر ست شهور للضامن المالى
 حجز معهد اللغة لمدة ستة شهور من B1 لحد C1
 جواب من جهة العمل HR letter
 السيرة الذاتية
 خطاب التحفيز
مراسلاتى مع الجامعة
تأمين من ألمانيا  (ممكن تلاقيه على النت او لو ليك حد هناك خليه يساعدك فيه)
شهادات خبرة من الشغل و شهادات تقدير
من كل حاجة صورتين و كله بالانجليزى او الالمانى
الميعاد كان 9.30 الصبح لحد ما وصلت الشباك كانت 12.30 دخلت على شباك 6 طبعا كل الناس اللي دخلت السفارة عارفة ان شباك ستة عليه البنت اللى بتسأل كتير و تحاول تحبطك و كانت المقابلة كالاتى:-
 حضرتك فين قبول الجامعة؟
 قلتلها ان رايح ادرس لغة بس حاليا علشان الكلية بتشترط انى اكون B2 عند التقديم و اكون C1 قبل الدراسة و فيه عندك حضرتك المراسلات من الجامعة.
انت عارف ان مفيش حاجة اسمها فيزا دراسة لغة بتترفض من مكتب الاجانب بس لو انت عايز انا حابعت ورقك؟
حضرتك ممكن تبعتيها و ان شاء الله خير.
انت كاتب فى جواب الدوافع انك بتتعلم المانى علشان تدخل بنتك مدرسة سان شارل بورميه حد قالك أن لازم تكون بتعرف المانى؟
لا محدش قالى بس علشان اقدر اساعدها لما تحتاج مساعدة.
حتسكن فين؟
مع صاحبى العنوان مكتوب فى الاقرار و فى الابلكيشن.
تعرفه منين؟
قابلته فى مصر كان جاي سياحة و بقينا اصحاب من 2003.
بيشتغل ايه؟
صحفى.
بتتكلموا مع بعض عن طريق ايه؟
حضرتك مفيش اكتر من وسائل التواصل الاجتماعى فيسبوك واتساب و غيره كتير.
بتكلموا بعض بلغة ايه ؟
انجليزى.
طيب انت اتخرجت امتا ؟
2008.
طيب ليه قعدت 8 سنين لحد ما تكمل ماستر؟
كنت خاطب و كان  عندى التزامات كتير علشان الجواز و الشغل و حاليا الحمد لله فيه وقت.
مكتوب فى السيرة الذاتية انك كنت سنة فى حقوق انجليزى؟
ايوة حضرتك انا درست سنة و بعد كده حولت نظم معلومات.
تعرف تتكلم المانى؟
 اه شوية.
و بعد كده قلبت المانى
اسمك ايه ؟ عمرك قد ايه ؟ بتشتغل ايه ؟ ابتديت تتعلم ألمانى من امتا؟
و بعد كده عربى خد الورقة ديه املاها و استنى لما انادى عليك.
اخيرا نديت عليا اتكلمت انجليزى بس المكيفروفون كان بعيد عنها و مكنتش سامع كويس و بتتكلم بسرعة الانجليز نفسهم مش بيتكلموا كده.
تعرف ايه عن المانيا ؟
المانيا المركز الرابع على العالم فى الاقتصاد و الخامس فى الصناعات و الثانى فى التكنولوجيا.
عرفت عن ألمانيا منين؟
من الانترنت من موقع ماستر بورتابل بيجيب كل الدراسات حول العالم.
و اشمعنا اخترت المانيا؟
انا دورت فى كذا بلد امريكا و اسبانيا و بولندا قبل المانيا بس المصاريف كان غالية جدا
مثلا فى امريكا المصاريف كانت 28000 دولار فى السنة غير المعيشة
فى اسبانيا 18500 يورو غير المعيشة
فى بولندا اقل حاجة لاقيتها كانت 8500 يورو غير المعيشة
فى المانيا المصاريف مجانية او رمزية بالنسبة للبلاد التانية و من احسن انظمة التعليم فى العالم.
طيب انت ورقك ناقص حاقولك على المطلوب و مش حابعت ورقك غيرلما تكمله تمام؟
تمام
هاتلى شهادة لغة لحد A2 و شهادة الثانوية العامة موثقة و شهادة الكلية المؤقتة موثقة و بيان التقديرات موثق و شهادة تفيد انك درست سنة فى حقوق انجليش .
 و ديه الخطوات اللى عملتها
طبعا فى الوقت ده مفيش امتحانات جوتة كلها كومبليت خاطبت معهد اللغة و بعتلى ورقة رسمية مختومة بمواعيد الكورسات و مكتوب فيها نتيجة امتحانى فى A1,A2 اونلاين تحديد المستوى عندهم علشان يقبلوا يخلونى ابتدى من B1.
وختمت الاوراق التانية من الخارجية و ترجمتها و روحت وثقتها فى السفارة
التوثيق مجانا البنت مسألتش على سنى و لا حتى شافت الباسبور و لا حتى الاثباتات
سألت بس بتوثق ليه؟
دراسة.
 حتدرس ايه؟
ماستر كمبيوتر ساينس.
اول مرة توثق ؟
ايوة
اخدت الورق و قالت بكرة تعالى استلمه الساعة 10.30
و عملت الاستكمال نفس يوم ما استلمت 19.10.2016
و يوم 28.10.2016 بعت إيميل للخارجية استفسر عن ملفى وصل ولا لسه وعرفت ان النسخة الالكترونية وصلت و الاوراق نفسها فى الطريق و ده إيميل الخارجية
 [email protected]
يوم 7.11.2016 عرفت من مكتب الاجانب ان الابليكشن خلص و فى طريقه للسفارة و عرفت منهم ان ان حالة الابليكشن إيجابية  من طرفهم و ان القبول او الرفض بيرجع للسفارة مش ليهم و انهم مجرد يقولوا رأئيهم بالايجاب او السلب و السفارة هى المسئول الأول و الأخير عن الفيزا من مصر.
يوم 20.11.2016 السفارة اتصلت و قالولى هات الباسبور التأشيرة اتوافق عليها.
انصحك اللى شغال فى السفارة مجرد انسان عادى متخافش و متقلقش متكذبش و متحورش قول الصح لو لازم تعمل توثيق و استكمال ظبط نفسك تسلم الورق للتوثيق قبل الاستكمال بيوم مثلا انا اديتهم الورق يوم الثلاثاء و استلمت الاربعاء 10.30 و عملت الاستكمال 2.30 فى نفس اليوم روح دايما قبل الميعاد بنص ساعة على الاقل اجتهد و اعمل اللى عليك و سيب الباقى على ربنا و ان شاء الله خير.

قد تحب قراءة : 

ـ الدراسة في ألمانيا : الأسئلة العامة لمقابلة السفارة

ـ الدراسة في ألمانيا : المطلوب مني بعد الحصول علي الفيزا ؟ حاجات مهمة تاخدها معاك من مصر

ـ السفر لألمانيا : ماذا بعد الوصول لألمانيا ؟

ـ السفر لألمانيا : العمل في ألمانيا كطالب

ـ السفر لألمانيا : ما هو المطلوب حتى ادرس في ألمانيا ؟

ـ السفر لألمانيا : لو جواز السفر ضاع تعمل ايه ؟

ـ السفر لألمانيا : الحصول على قبول معهد لغة في ألمانيا ؟

ـ السفر لألمانيا : خطوات فيزا اللغة Sprachkurs Visum

ـ السفر لألمانيا : معلومات عن السنة التحضيرية Studienkollegs

ـ السفر لألمانيا : ما هي السنة التحضيرية ؟ 

ـ السفر لألمانيا : التحضير للإختبار تجربة شخصية حول طريقة إجتيازه 

ـ السفر لألمانيا : دراسة الماجستير والدكتوراه في الجامعات الألمانية

ـ السفر لألمانيا : كيفية الحصول على قبول بنفسك

ـ السفر لألمانيا : أسباب الرفض في الجامعات الألمانية

ـ السفر لألمانيا : فتح حساب مغلق في دويتش بنك

ـ السفر لألمانيا : البطاقة الزرقاء ” اقامة للعمل”

ـ السفر لألمانيا : تجربة فيزا البحث عن العمل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *