بيزنيس مفيد

ايه حكاية نوكيا وازى بقت كدة

ايه حكاية نوكيا وازى بقت كدة 

ايه حكاية نوكيا وازى بقت كدة

بداية الحكاية كانت من حوالي 150 سنة.
سنة 1865 كان في مهندس عمل مصنع تعدين في فيلندا لكن كان لسه إسم Nokia مظهرش ، بعد كده فتح مصنع تاني في قرية اسمها نوكيا ومن هنا إبتكر الإسم.
سنة 1890 بدأت الشركة إنها هتتوسع في شغلها وتعمل مطاط وكابلات وبالوقت دخلت في الإلكترونيات وأي صناعة جديدة كانت بتقابلهم على طول كانوا بيدوسوا ويدخلوها.
ايه حكاية نوكيا وازى بقت كدة

1967 بدأت تعمل تلفزيونات وإطارات سيارات وركزت على كابلات الموبايلات ومعدات الإتصال.
1979 إخترعت جهاز تليفون لاسلكي تخليه معاك في عربيتك، هتقولي ما هو لاسلكي… اشمعنا بيستخدموه في العربيات بس؟!
هقولك عشان كان وزنه كبير جدا حوالي 10kg!
1984 أعلنت عن جهازها الجديد.
وفضلت تتوالى النجاحات على نوكيا لحد سنة 1988 حصل إنخفاض كبير في المبيعات لدرجة إن مديرها التنفيذي في الوقت دة مستحملش وانتحر!!
ايه حكاية نوكيا وازى بقت كدة
بس النكسة دي Nokia مكنش ليها يد فيها، كان بسبب الكساد اللي ضرب فليندا وبعض دول أوروبا في أواخر التمانينات مع إنهيار الإتحاد السوفيتي.
لكن هنا بردو عرفت إزاي تعالج المشكلة وتواصل نجاحها ، ويعتبر من أوائل السبعينات لحد 2010 العصر الذهبي لـ Nokia
كانت واخدة أعلى 9 مراكز من بيع الموبايلات من أصل 10 مراكز ، وفي 2007 حققت حوالي 51 يورو و Apple كانت 24 مليار دولار بس!
كانت تقدر إنها تكون دلوقتي أحسن من Apple ، لكن كل حاجة إتقلبت عليها من بعد 2008. بعد ظهور الـ iPhone و الـ Android.
كانت شايفة كل دة بيحصل في السوق وفضلت واقفة مكانها بتشتغل بنفس الـ System القديم وراحت منزلة موبايل Touch بشاشة كبيرة لكن الناس كانت عايزة نظام تشغيل عالي مش شاشة كبيرة
ايه حكاية نوكيا وازى بقت كدة
جت في 2011 غيرت مديرها التنفيذي لواحد جديد بيشتغل في Microsoft. وهنا كانت بداية الشراكة بين Nokia و Microsoft.
كانت فاكرة إنها بالطريقة دي هتحتكر السوق لكن كل حاجة فشلت وبعد كدة Microsoft عرضت انها تشتريها بـ 7,2 ملياردولار وطبعا هي ماصدقت.
ودلوقتي Nokia راجعة تانية و بقوة وعايزة تستثمر في الـ 5G “شبكات الجيل الخامس
الـ 5G هو الجيل الجديد من الإتصالات، وفي الفترة الجاية هيكون بدل الـ 4G عشان يقدملنا سرعة إنترنت عالية جدا من خلال الـ Smart Phones.
ايه حكاية نوكيا وازى بقت كدة
ودلوقتي الشركات المطورة للموبايلات بتقطع بعضها عشان يبقى عندها الميزة دي ، وفي المستقبل هيكون في حوالي 50 مليار جهاز بيدعم الـ 5G واللي هيكون له إستخدامات ملهاش نهاية زي
▪️ الترجمة فورية لكذا لغة.
▪️عرض أفلام وموسيقى ومعلومات في الـ Self-driving Cars.
▪️تقدر تحمل فيلم حجمه 8 جيجا بايت خلال 6 ثواني!
وهنا Nokia بتتوقع ان يكون ليها 3 يورو على كل جهاز بيستخدم الـ 5G بسبب إمتلاكها براءت إختراع ساهمت في تطوير شبكات الـ 5G.
في النهاية يا ترى Nokia إتعلمت من اللي فات ، و هترجع تاني تتربع على عرش المبيعات ولا التاريخ هيعيد نفسه؟.
المصدر: Adel Shoaib

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *