إبنى فوضوى بطبعه .. هل أقدر أخليه إنسان منظم !؟ هل فيه أمل ؟؟

إبنى فوضوى بطبعه..هل أقدر أخليه إنسان منظم !؟ هل فيه أمل 



ممكن نختصر الإجابه على السؤال ده فى كام نقطة ..


🌼  مبدأيا خلينا نتفق إن الطفل مش بيتولد عارف النظام أو بيكون هو منظم بطبعه .. 👫

لان ببساطة النظام مش صفة وراثيه .. لاء هى مهارة زى أى مهارة محتاجة إنتى كأم تزرعيها فيه و تدربيه عليها .  👩‍👧‍👦


🌼 التنظيم عادة هيجى بالتكرار والممارسة .. والموضوع محتاج منك صبر على تكرار المحاولة مرة و إتنين و عشرين ..


🌼 الطفل اللى بيطلع فى بيت منظم .. مش هيعرف يعد بعد كدة الا فى مكان منظم و عينه مش هتحب إلا كل مكان منظم ..


🌼 إبنك هيتعلم النظام بالتقليد مش بالأوامر .. هيتأثر أكتر باللى بيشوفه بعينه .. مش باللى بيسمعه بودانه ..
هيتعلم بالقدوة .. فخليكى يا ماما .. قدوة  .. خليكى منظمة 😍


🌼  راعى يا ماما إن نظرة عينه للنظام مختلفة تماما عن نظرة عينيكى إنتى و ده طبيعى .. مش لازم يعمل كل حاجة perfect .. هو هيتعلم بشويش بطريقته المحدودة على قد إيده الصغننه 🤸‍♀️👫


🌼  حاولى تختارى الوقت الصح و إنتى بتدربيه على مهمه معينه .. فمثلا لو هو راجع من المدرسه و تعبان ..
 او وقت نومه وعاوز ينام او بيلعب مثلا فممكن يتهرب منك أو يقاوم حتى فكرة إنه يقوم معاكى و يستجيب لأى كلام او طلب منك


🌼  ويا حبذا لو بدأتى معاه تنظيم حاجة هو بيحبها وبالتالى هيحب يحافظ عليها .. إبدأى بحاجة تكون سهلة عليه و يبان أثرها بسرعة فيتشجع المرة الجاية


🌼  الطفل دايما اللى يهمه إنه يلعب و بس و مش هيكون مدرك ليه اتعب نفسى و اكون منظم .. فالموضوع محتاج منك صبر و مثابرة .. محتاج منك حب أكتر منه إنك تدى Order ❤😍

 🌼  تعليم النظام للطفل محتاج تحسسيه بقيمة اللى عمله مهما كانت  ال Task دى صغيرة و قد إيه فرحتك و قد هى فرقت معاكى .. شجعيه .. شجعيه كتير 👩‍👧‍👦


🌼 تابعى معانا هنبدأ مع بعض خطوات بسيطة عشان نربى جيل منظم نربى ولد او بنت معتمدين على نفسهم .. مش مستنين ماما هى تعملنا كل حاجة .. وهى بس اللى بتعرف تعمل أى حاجة تخصنا فى البيت 🦸‍♂️🦸‍♀️
المصدر:YomNa Aly – Life From Scratch

أضف تعليق