إزاى أنظم وقتى .. يومى .. وبالتالى أنظم حياتى ؟!

إزاى أنظم وقتى .. يومى .. وبالتالى أنظم حياتى ؟! 



دايما بنسمع الجملتين دول ..


اليوم بيجرى وملحقتش أعمل حاجة ولا أخلص اللى ورايا .. 🤦‍♀️

الاسبوع خلص لكن اللى ورايا مخلصشى .. ولا لحقت أنجز حاجة من اللى عليا 🤦‍♂️


.. طب هقولك على ٧ نصائح جرب تمشى بيهم كدة الاسبوع ده وانا واثقة باذن الله انك هتلاحظ فرق .. 


♦️ أولا .. البركة فى البكور 🌼
طول ما انت بتسهر صدقنى عمرك ما هتحقق اى انجاز
لما بتصحى بدرى بتحس ان اليوم طويل و بيكون عندك طاقة و صحة تخليك تنجز اكتر كتير من الليل

♦️ ثانيا .. إبدأ بالحاجات اللى محتاجة مجهود أكبر .. و ذهن صافى .. و تركيز أعلى .. 👩‍💻🤓

♦️ ثالثا .. إمشى بمبدأ الاهم فالاهم .. لان واقعيا فى بداية تنظيم وقتك..  مش هتلحق تخلص كل اللى المطلوب برده 😂

♦️ رابعا .. لازم تخصص وقت لكل حاجة فى يومك .. ويكون فيه Time محدد لكل جزء فى يومك .. ده هيخليك تنجز و تسرع من أدائك قبل ما الوقت ما يخلص .. 🕤⏰


♦️ خامسا .. جرب قبل تنام و انت على السرير معاك نوته و قلم اكتب كل اللى محتاج تعمله بكره .. من اصغر حاجة لاكبر حاجة .. كون انك تنام ودماغك منظمة ده كفيل انه يرتبلك يومك لما تصحى 📗🖍✍

♦️ سادسا .. إمنع أى حاجة تعطلك .. قاعد مع ولادك يبقى تسيب الموبيل من إيدك .. فى شغلك يبقى متردش على التليفون إلا للضرورة .. بتعملى الاكل يبقى متفتحيش الفيس بوك .. ده هيوفر معاكم وقت كبييير جدااا 📵🤚


♦️ سابعا .. اخر حاجة و أهم حاجة 😍
حاولو تحافظو على التوازن فى الحياة .. قسم يومك .. الشغل مش هيخلص .. شغل البيت مش هيخلص .. المسلسلات والبرامج مش هتخلص ..



لكن اللى بيخلص هو ايامنا ..

استمتعوا بوقتكم مع اللى بتحبوهم .  مع اهاليكم  .. مع اولادكم .. مع اصحابكم ..

وأرجع وأقول .. إلحقوا إعملوا ذكريات حلوة وسعيدة لاولادكم قبل ما يكبروا .. هو ده اللى هيفتكروه 👨‍👩‍👧‍👧🤼‍♂️🤸‍♀️

وادعوا ربنا بالبركة فى الوقت .. لان فعلا اليوم بقى معفرت بسبب ان مبقاش فيه بركة فى وقتنا 🤲🙏



تصدقوا بوقتكم ولو ربع ساعة فى اليوم .. تراضوا فيها حد .  تجبروا بخاطر حد ولو بمكالمة تليفون .. تطمنوا على حد .. تحلوا مشكله لحد و انتوا تقدروا .. تقدموا خدمه لحد لو فى استطاعتكم . هتلاقوا ربنا بيسهلكم حاجات كتير ..  ❤❤
المصدر:YomNa Aly – Life From Scratch




أضف تعليق