إن كبر ابنك سايسه وداديه..تجربه اب

سوف نتناول اليوم فى موقعكم المفضل  يفيدك عن تجربه اب نتمنى أن تلقى اعجابكم بأذن الله



إن كبر ابنك سايسه وداديه

كنت قاعدة امبارح مع أحد افراد عيلتي

أب ل ٤ أولاد ( ذكور )

8-11-15-17 سنة

هو اللي قال الجملة دي ☝️

الأب ده شغله كله سفر ممكن يسافر يومين ويرجع يوم ويسافر تاني يوم

يعني مواعيده مش ثابتة ومش موجود كل يوم

بالرغم من ده إلا اني دايما بشوفه اللهم بارك صديق لأولاده من وهما صغيرين

⚡بيتحركوا كلهم سوا 

⚡بيخرجوا سوا.

⚡بيعلمهم صلة الرحم بيزوروا قرايبهم سوا .

⚡بيعلمهم إدارة البيت من حيث شراء مستلزمات البيت

بينزلوا يجيبوها سوا .

⚡بيحكيلهم بيعمل ايه في شغله وأحداثه في شغله .

⚡بينزلوا يصلوا سوا .

⚡بيروحوا سينما سوا .

⚡بيعلمهم ياكلوا ازاي .

⚡بيعلمهم يستخدموا أي حاجة جديدة في حياتهم إزاي .

يعني رغم انشغاله إلا انه بيحطهم في أولوياته وبيشركهم في حياته وهو موجود .

يعني مش المهم انه يبقى موجود طول الوقت

المهم لما بيبقى موجود بيكون موجود ازاي !

طيب هل الكلام ده بينطبق على الأب بس ؟

طبعاااا لأ على الأم كمان

وهقولك ليه قولتلك المثال الواقعي ده على الأب 🤔

لانه بظروف شغلنا كلنا أب وأم دلوقتي بنقضي وقتنا في الشارع (في الشغل) أكتر ما بنقضي وقتنا مع ولادنا.

فلو أنتي أم ومهما كانت ظروف شغلك

افتكري القصة دي ☝️

👌 قاعدة ثابتة حطيها في دماغك

 بالكيفية مش بالكمية 


مش مهم انا بقعد مع ابني وقت أد ايه .. المهم لما بقعد معاه بقعد ازاي ..( Quality not quantity )

طيب نرجع تاني لقصتنا اللي فوق :

هما دلوقتي سنهم انتي شيفاهم كبروا ما شاء الله

فأبوهم عارف يتفاهم معاهم مثلا 🙄

هعمل ايه انا مع الصغير اللي لسه مش عارفة افهمه حاجة ؟

هجاوبك :

كنت بحضر من فترة كورس للمراهقين .. فالمدربة سألتني انتي ليه بتحضريه انا عارفة ان ابنك صغير🤔 !

قولتلها علشان انا مهتمة بتربة الأولاد الذكور boys

فـحبيت اسمع أكتر، وأربط معلوماتي عن الذكور في مرحلة الطفولة مع مرحلة ما بعد الطفولة.

لأن اللي بأسسه دلوقتي في طفولته هو اللي هيوصلنا للمراهقة اللي هيساعدني اعيش وأتواصل مع مراهق غير مرهِق! 👌

اذن قاعدة ثابتة تانية :

اللي انتي بتبنيه في ابنك النهاردة .. هتحصديه بكرة


دورك دلوقتي :

لاعبيه واكسبيه علشان تعرفي بكرة تصاحبيه

منقول للافاده دمتم بخير وسعاده

اذا اتمتت القراءه  اترك تعليق 

المصدر:Reda Aly Arafa

أضف تعليق