ابنى بيكدب كتير وبياخد حاجه مش بتاعته مع انى مش حرماه من حاجه

سوف نتناول اليوم فى موقعكم المفضل يفيدك عن ابنى بيكدب كتير وبياخد حاجه مش بتاعته مع انى مش حرماه من حاجه نتمنى أن تلقى اعجابكم بأذن الله



بالنسبه للطفل اللي بيكدب كتير وبياخد حاجه مش بتاعته مع ان مامته مش حرماه من حاجه.

طيب خلينا نفكر كدا ايه اللي بيخلي فطرة الطفل الطبيعيه تتغير وتتحول للاسوء

الطفل طول ما هو شايف قسوة عمره ما هيكون نفسيا سوي.. هتقولولي ما احنا مش بنقسي ع طول شويه وشويه.. طب وليه يبقي في شويه اصلا ليه متبقاش الحياه مع اطفالنا بعيده عن اي صراع.. عاوز تعاقب عاقب بس وانت اعصابك هاديه بالثواب والعقاب اللي اسلامنا قال عليه.. مش بالقلم اللي ع الوش والضرب والصوت العالي

البنت اللي بتاخد حاجات من صحابها مش بتاعتها … ياريت ماما تراجع نفسها كدا بعد ما عرفت ان بنتها كدا اتصرفت معاها ازاي.. !!

♥خلينا نرجع للاسباب

الاول الطفل دا حصله حرمان نفسي يعني ايه.. يعني مش لعب يعني مش خروج يعني مش حلويات… حرمان عاطفي حرمان بالامان حرمان من المعامله الطيبه

الطفل اللي بيكدب كتير..

من الاخر كدا طول ما فيه من الابوين شخصيه الام المتسلطه او الاب المتسلط اللي كل ما الطفل يعوز حاجه يقولوله لا  كل ما يقول راي لا من قبل ما يتكلم بيتقاله لا



طب وانا كطفل هقول الحقيقه ليه ادام ما حدش بيسمعني.. ادام محدش بيوجهني باسلوب كويس بالمناقشه مش بالحزم

ان_الله_يحب_كل_انسان_هين_لين_سهل. 🙂

عود نفسك علشان تعرف طفلك بيعمل اي سلوك ليه.. جرب تتخيل نفسك بتعمل انت السلوك وشوف هتعمله ليه 😉 ساعتها بس هترد انت ع سؤال

كل سلوك في اطفالنا احنا السبب فيه

الحل

صلح علاقتك بابنك تاني موضوع انه بياخد حاجه من صحابه انسيه تماما متركزيش معاه دلوقتي.. ركزي بس ازاي تصلحي علاقتك بيه

اديه كل وقتك ضحك وهزار واهتمام اتكلمي معاه واسمعيه العبي معاه رجعي ثقته فيكي تاني.. وبلاش اسلوب القاضي اللي بيحقق سؤال بجواب متحسسهوش بدا..

ساعتها بس هتلاقيه هو بنفسه بيحكيلك حاجات حتي لو عمل غلط ومش هيضطر يكذب



دمتم بخير وسعاده ❤

المصدر:Reda Aly Arafa

أضف تعليق