اتعامل ازى مع ابنى.. مش بيسمع النصيحة

سوف نتناول اليوم فى موقعكم المفضل يفيدك عن اتعامل ازى مع ابنى.. مش بيسمع النصيحة نتمنى أن تلقى اعجابكم بأذن الله

اكتر حاجة غلط نعملها مع ولادنا اما يتكلموا معانا.عن مشاعرهم السلبية ….
ان احنا ننصحهم ونوعظهم….🙄امال عاوزة ايه مننصحش ولادنا!!!!
طيب مين يعلمهم 🙄🙄…بصي يا ام يا جميلة منك ليها …..انتوا شايفين اهوه انكم بتنصحوا الولاد…..ومفيش فايدة…ليه؟ ؟
 عشان طريقة وتكنيك النصح غلط…النصح…فن وهندسة ركزوا معايا……ابنك جاي لك بمشاعر سلبية….لازم عشان حضرتك تعرفي تؤثري فيه تمشي بالترتيب  التالي😊
اولا تسمعي باهتمام وتركيز من غير دفاع ولا شرح ولا تبرير ولا مواساة….

مثال جاي بيقولك انا محدش بيحبني

اولا.. 

اسمعيه اسأليه ليه بتقول كده….مين مضايقك…سيبيه يتكلم…كتير. ..ورددي جمل من كلامه وهو بيحكي يعني مثلا لو قالك مثلا …اصل ادهم صاحبي مبيحبنيش….ردديها….انت حاسس ان ادهم سبب الاحساس ده…وهكذا….

ثانيا…

اظهري انك مقدرة احساسه  مهما كان غريب. ..انا مقدراك انا حاسة بيك….

ثالثا…

ابدئي قولي نفسي اساعدك…تفتكر ايه اللي ممكن اقدمه
..نفسي تحس اني جنبك ..لاني فعلا نفسي اساعدك واريحك
.واسمعي اقتراحاته…ولو قال مش عارف…..اقترحي انتي…قولي  نبص للامر من ناحية تاتية…..او فيه فكرة جاتلي…او عندي رأي يمكن يعجبك….وشوفي الفرق ساعتها…

ملحوظات هامة

الكلام ده صالح للتطبيق من سن 5 الي اي سن….
كمان سبب انك متبدأيش بالتصح…ان العقل الباطن بيكنسل النصح..لما بيحس ان الانسان مش سامع الشعور …
الفرق في الخطوات…مهم…..جربي شوفي وادعي لي بحسن الخاتمة


المصدر:د ايناس فوزي مركز ايناس و الأطفال

أضف تعليق