اتعرفى على المعمول بالعجوه سهل التحضير المميز

المعمول بالعجوه


المقادير

  • كيلو دقيق
  • 400جم سمن دايبه  مش ذبده كوبين تقريبا
  • 100جم سكر بودره نص كوب تقريبا
  • علبه قشطه بوك كانت عندي بره التلاجه
  • معلقه خميره ممسوحه ومعلقه سكر ونص كوب ميه دافيه
  •  ريحه كحك نحط معلقه وندوبها ونسيبها تخمر
  • محلب وده مهم للريحه بتاعه المعمول


الطريقه 

ندفي السمن ونبسه ف الدقيق ونسيبه ممكن ساعه او اكتر عادي جدا وتكون السمن والدقيق تشيعوا من بعض كويس وننزل القشطه والخميره ندوبها ف الميه ساعتها وننزلها ونعجن ونسيبها تريح بتاع ساعه برضه


ونبدا ف تشيكلها ندعك كوره من العجين  ونخط جواها كوره عجوه صغننه ونحطها ف القالب بتاع المعمول او ننقشها عادي 


هنزل الشكل قبل السوا وهو بيتستوي بسرعه يدوب ربع ساعه يحمر من تحت ونفتح الشوايه دقيقتين بس ونقدمه مع السكر او من غير لو محشي عجوه


اتمني يعجبكوا يا حلوين
المصدر:Let’s Cook – يلا نطبخ

أضف تعليق