اتعرفى على طريقة بسكوت النشادرالمميز للعيد


بسكوت النشادر 


المقادير

  • 500جم ذبده ساقعه يعني تكوني طالعه من التلاجه وسبيها ساعه  متماسكه وساقعه برضه
  • 200جم سكر بودر منخول تقريبا كوب ويتحسب بعد ماتنخليه السكر
  • 10جم نشادر ملعقه كبيره
  • 10جم بيكنج بودر ملعقه كبيره
  • 5جم فانيلا معلقه صغيره
  • 100ملل لبن يعني نص كوب لبن دافي فاتر كده مش ساقع
  • 2بيضه بدرجه حراره المطبخ


الطريقه

الدقيق بقي ده اهم حاجه ليه ؟؟هتنخللي كيلو بس مش هناخد الكيلو كلو هناخد اللي يدوب يلم العجين فقط عشان انا عملته بالكيس تمام
ندخل علي الطريقه بسرعه


هناخد النشادر ونقلبها ف اللبن ونغطيها
نضرب الذبده الساقعه  ومعاها السكر البودر لحد ما تبقي بيضا وتهيش جدا وتعللي ننزل بالبيض واحده واول ما تروح ف العجين ننزل التانيه ومعاها الفانيلا ونكمل ضرب كويس ونحط اللبن اللي فيه النشادر ويدوب لفه تاني بالمضرب وخلاص كده 


ونيجي بقي للدقيق مهم جدا انه تنزللي بربع الدقيق وعليه بيكنج بودر وتقلبي بمعلقه من غير عجن وبعدين تنزللي بربع تاني وتقلبي ليه بقي عشان خاطر حسب نوع الذبده وحسب حجم البيضه مختلفه عن التانيه انا اخدت مني 800جم دقيق بالظبط او اقل بسيط هتلاقي مفيش عجين حولين البوله كده تمام بتلزق شويه عادي


 جهزي الكيس هتلاقيها ارتاحت عشان تبقي سهله وهيا بتتشكل طب لو هتعمليه بمكنه يبقي الكيلو كامل حطيه عادي وتخطيها تسقع كمان والسوا بقي بياخد تقريبا 30دقيقه او اقل 180درجه الفرن يدوب بحمر من تحت كده وكللي بسكوت خفيف وهش والف هنا
المصدر:Let’s Cook – يلا نطبخ

أضف تعليق