اتعرفى على وصفة صوص الجبنه الشيدر اللذيذ

 وصفة صوص الجبنه الشيدر اللذيذ


 مقادير  


  • 250جم(ربع كيلو)جبنه شيدر صفرا فقط ويا ريت من المستورد هتفرق معاكي جدا ف الطعم.
  • معلقتين ذبده صفرا
  • معلقتين دقيق
  • كوبين لبن دافي
  • نص كوب كريمه لباني هتفرق جدا
  • معلقه بابريكا
  • معلقه صغيره ملح
  • معلقه بهارات بطاطس من عند العطار جديده


الطريقه 

اهم حاجه استخدمي ذبده صفرا دي حاجه مهمه كل معلقه ذبده ليها معلقه دقيق وكوب لبن قشطه كده


الذبده ف حله ع النار نقلبها بمضرب سلك وعليها الدقيق وننزل اللبن ونبشر الجبنه الشيدر وننزلها زي البشاميل والملح والبهارات والبابريكا بتديها لون يجنن واخيرا الكريمه اللباني دي فرقت معايا جدا ف القوام والطعم ويدوب تخرجيها من التلاجه هتلاقيها تفك معاكي مع اقل حراره وزي الجاهزه خطيره جدا 


نشيلعا ف علبه مقفوله هتعمل اكتر من نص كيلو معانا وحاجه نضيفه ف البيت بايدك يا ريت تجربوها واعرف رايكوا


المصدر:Let’s Cook – يلا نطبخ

أضف تعليق