اتعرفى غلى اسهل طريقة لعمل الكيك اليومى اللذيذ للفطار والعشاء

 الكيك اليومى اللذيذ للفطار والعشاء


الكيك اليومي للفطار والعشاء  كوبايه شاي بلبن وكفي
هقولكوا علي مكونين لو حطيتوها جوه الكيك هتطلع الكيك بالشكل ده واللون ده والهشاشه 

حاجتين مهمين جدا يخلوا الكيك لونه كده الليمون والخل وصدقوني عن خبره بسيطه مش هياثر علي الطعم خالص خالص

المقادير..

  • 3بيضات كبار او اربعه وسط وفانيلا
  • مغلقه خل
  • معلقه عصير لمون فريش
  • كوب سكر كوب لبن
  • كوب زيت
  • كوبين ونص دقيق وعليهم رشه ملح
  • معلقه كبيره بيكنج بودر مش كيس


الطريقه..

نضرب البيض كويس والفانيلا وننزل كوب السكر ونضرب لحد مالونها يبقي فاتح قوي وننزل باازيت وبعدين اللبن ونضرب ونكون ناخلين الدقيق والبودر ورشه الملح وننزل ونقلب من تحت لفوق واخيرا نحط معلفه الخل والليمون هتعمل مفعول السحر بجد والفرن سخن وتدخل لمده نص ساعه تمام.


 وتخرج تهدي ونقطعها الف هنا وشفا جربوها انا بعملها علطول وبتطلع هايله كده

أضف تعليق