اتعرفي على كيك زبده الفول السوداني خفيفة وريحة وطعم مميز

كيك زبده الفول السوداني خفيفة وريحة وطعم مميز 


خفيفه وريحتها تجنن بجد ماشالله وطعمها يهبل مش عايزه اقولكوا علي الفايده بتاعتها


المقادير..

  • كوبين الاربع دقيق
  • كوب ذبده سايحه
  • 3بيضات وفانيلا
  • ربع كوب عسل  ابيض ونص كوب من اللبن المكثف  وتلت سكر
  • ممكن نحط كوب كامل سكر لو مش عندك  بس بجد فارق فالطعم
  • معلقه بيكنج بودر كبيره
  • نص معلفه خل ورشه  ملح
  • نص كوب من ذبده الفول وحاولي تحركيها بمعلقتين لبن وتبقي كرانشي  عشان طعمها يبان ومعلقتين هنحطهم مع الكيك


الطريقه ..

نحط الدقيق علي الملح  والبودر ونقلبهم
ف الخلاط اضربي البيض والخل كويس جدا هيعللي معاكي او بالمضرب الكهربا وننزل السكر والعسل واللبن المكثف واخيرا ننزل بالذبده ومعلقتين ذبده الفول وننزل بيهم علي الدقيق ونقلب بالراحه من فوق لتحت يا ريت ننخل الدقيق كذا مره عشان تبقي مساماات الكيك كده  


نبطن القالب بالدقيق والذبده ونزل شوبه من الخليط  وننزل معلقتين ف القالب من ذبده الفول اللي حركناها  مع اللبن وننزل بباقي الخليط من الكيك وع الفرن سخن لمده نص ساعه وتخرج تهدي  ونقلبها بالراحه ونعملها ايسنج سهل او خليط مم الجبنه  الايبريد والسكر البودرضربتهم بالمضرب الجبنه تكون طريه من الكوبايات وعليها سكر بوده عملت كونتراست يجنن بجد لازم تجربوها


المصدر:Let’s Cook – يلا نطبخ

أضف تعليق