اتعرف على طريقة للحصول على اعلى مشاهدة الفيديو على اليوتيوب او الفيس

سوف نتناول اليوم فى موقعكم المفضل يفيدك عن طريقة للحصول على  اعلى مشاهدة الفيديو على اليوتيوب او الفيس نتمنى أن تلقى اعجابكم بأذن الله



الحاجات اللي زي ده، هيا اللي بتدي حافز إن المشاهد يكمل الفيديو،لما بتتحط ف الأول.



ابدأ الفيديوهات بتاعتك دايما بحاجه غريبة، أو غير متوقعة، أو حاجة تشد اللي قدامك للمتابعة، وحاجة تثير فضوله ناحية اللي ممكن يشوفه ف الفيديو بتاعك.



اديله حافز فعلا؛عشان يكمل لو هو مهتم فعلا باللي بتقدمهوبالمحتوي بتاعك.



قوله هو هيتعلم إيه/هيستفيد إيه لما يتفرج ع الفيديو ده للآخر.

أو بمعني تان ممكن يخسر إيه لو مكملش/فوت الفيديو ده.



يعني اعمل زي (ترغيب/ترهيب): حسسه مرة إنه هيفوز ويكسب حاجه.

ومرة تانية تلعب ع إيه اللي ممكن يخسره،ويندم عليه لو فوت المحتوي اللي قدامه ده.



الموضوع ده ممكن تطبقه ف أي مقدمة(فيديو/بوست/مقالة/أو حتا صفحة).



زي مثلا:ال(Cover) بتاع الصفحه ده😁

كتبت عليه اللي الزاير  بتاع الصفحة هيتعلمه منها (التسويق، كتابة المحتوي، وحاجات كتير كده(لأننا فعلا بنتكلم ف اتجاهات ومواضيع كتيره تانية) 😃

وعملته ع ال (cover) بالذات؛ عشان ده أول حاجه الزاير هتيجي عينه عليها أول ما بيدخل الصفحه😃



خد بالك: لازم يكون الكلام اللي هتقوله فعلا موجود ف الفيديو/المقالة/البوست/الصفحة.



يعني مثلا:

لو هتقول”كمل الفيديو ده للآخر؛عشان تحصل ع كذا/هتشوف كذا.

لازم فعلا ف الآخر يلاقي (كذا)  ده.

عشان لو ملقاش فعلا (كذا)  ف الآخر هيديك شتيمتين😁وهيعملك (un like/unsubscribe) ومش هتشوف دوسته الجميلة تان.



خليك قد كلامك تكسب ثقة الناس حواليك،و حوالين (المحتوي)  بتاعك.

وحتي لو قليلين دي مش مشكلة.

كفاية إنهم هيكونوا عندهم ولاء ليك،وثقة تخليهم يقفوا وراك ف أي حاجه بعدين (يشتروا خدمة أو منتج/يقفوا وراك ف أي مشكلة/ينشروا أفكارك ومنتجاتك وخدماتك بين اللي يعرفوهم… وهكذا😃


_متنساش:” الثقة مفتاح 🔑 أي بيزنس ناجح “😃😃



المصدر:ماركتينج ع السريع

أضف تعليق