ازاى تعمل أعلان صح على السوشيال ميديا

التسويق مش معناه انك تعمل اعلانات


نقول تاني
التسويق مش معناه اعلانات و خلاص ..

– التسويق موضوع كبير جدا و كل يوم بتطلع فيه نظريات و افكار جديدة لانه ببساطة مبنى على الابداع و بيتطور بناء على نظرة العميل واحتياجه للمنتج او الخدمة .


– تقدر تقول إن التسويق مجموعة من الاجراءات اللى بتاخدها اى شركة علشان تكتشف رغبات عملائها  وبالتالى تطور منتجاتها او خدماتها علشان فى النهاية تشبع احتياجات العميل وفى نفس الوقت تحقق ربح فى وقت مناسب


– علشان كده التسويق بيتطلب إن الشركة تقوم بجمع بيانات عن السوق و تحليلها و إنها تفهم توجه العملاء ناحية المنتج او الخدمة اللى بتقدمها و كمان تحدد شرايح العملاء اللى ناويه تستهدفها و اخيرا تقدم لهم قيمة عالية .

– عمنا كوتلر – الاب الروحى للتسويق – بيقول إن فى ناس كتير فاكره التسويق و البيع حاجة واحدة , دا حتى رجال اعمال فاكرين كده و الحقيقة ان البيع يعتبر جزء من التسويق .


– رغم ان التسويق يعتبر حاليا فى المرتبة الاولى للشركات على مستوى العالم من حيث الاهمية إلا انه خطأ كبير انك تفصله عن بقية الادارات فى شركتك .

يعنى ببساطة الفكر التسويقى لازم يكون فى تفكير كل فرد من افراد شركتك.



– أخيرا لو مهتم بالتسويق خليك متابعنا باستمرار لاننا هنتكلم بالتفصيل عن التسويق و المبيعات و طبعا بنرحب بكل استفسارتك .
المصدر:احمد صبري

أضف تعليق