ازاي اتحكم في العصبية فى امور حياتى

ازاي اتحكم في العصبية فى امور حياتى 

ازاي اتحكم في العصبية فى امور حياتى


انا عصبية و مهما احول اهدي نفسي مفيش فائدة😒.. برجع اندم علي كل حاجة قلتها او عملتها..😔
 العصبية بتكون اسهل ليك من انك تحاول تغيير رد فعلك للموقف… 
الواحد بيفضل يقول لنفسه انه عصبي و مش عارف يتغير فا عقله يصدقه فا يصبح اعتقاد انه مهما عمل مش هيتغير و ده اسهل من انه يجاهد نفسه علي التغيير ..😕
العصبية دي شعور بيجيلك نتيجة انك فكرت ان اللي حصل ده بيعصب .. بمعني انك اذا غيرت تفكيرك للموقف  و فكرت ان اللي قدامك مش قصده فا بالتالي شعور الغضب هيتغير ..
#مثال_للشرح

ازاي اتحكم في العصبية فى امور حياتى


مرة اب كان بينتقد ابنه المراهق فا الولد رد عليه بانفعال… الاب طبعا اتعصب جدا وزعقله و بهدله😡

الاب اتعصب عشان فكر ان ابني مش بيحترمني و بيهيني و انه معرفتش اربيه..
طب اذا الاب كان نظر للموقف من منظور تاني انه  معظم كلامه مع ابنه  لوم،نقد  ونصيحة و علاقته ضعيفة به  …و ده ادي ان الابن نفسيته تعبانة و ثقته بنفسه قليلة  و ده بيخلي اصحابه بيتنمروا عليه😞…
هل اذا الاب لما غير تفكيره و نظرته للموقف هيكون نفس رد الفعل مع ابنه؟!🤔
ممكن  الاب يفهمه غلطه بهدوء و يخليه يعتذرله .. انما في الاخر هيحاول يقرب من ابنه و يحتويه … عشان دايما في سبب ما وراء سوء السلوك

ازاي اتحكم في العصبية فى امور حياتى


#خطوات_عملية_للتحكم_في_العصبية(الغضب)
-محتاج بعد ما تهدأ تقعد مع نفسك و تعيد فهمك للموقف..
-تفكر في ايه السبب الحقيقي اللي  عصبك..
 ( في المثال: ان الولد مترباش مش محترم باباه  و بيهينه)

-شوف هل التفكير ده صح ولا لأ… هل الولد فعلا عايز يهين ابوه ؟
– شوف ايه السبب من وراء السلوك اللي قدامك … لازم يكون عندك يقين ان اكيد في حاجة مضايقاه خلته يعمل كده .. دايما في سبب دور علي السبب (في المثال ان الاب علطول بينقد ابنه..)
– اذا مش عارف توصل للسبب اللي خلا اللي قدامك يعمل كده.. التمس الاعذار له و فكر في اسلوبك معاه هل كان صح من الاول ولا لا؟

ازاي اتحكم في العصبية فى امور حياتى


-دي اهم خطوة انك تتخيل انك رجعت لنفس الموقف و ازاي ممكن كنت  تتصرفت باكثر هدوء   عشان اذا اتحطيت في الموقف تاني هاتكون مستعد نفسيا انك تكون اهدأ (الاب لابنه ” انا شايف انك بتتكلم بانفعال و انا لا اسمح انك تتكلم معايا بانفعال .. احنا محتاجين نهدأ و نرجع نتكلم..”)
الخطوات دي هتاخذ منك ٥ دقيايق بعد ما تهدأ تفكر في الحاجات دي عشان تعرف انك في الموقف اللي جاي تكون اهدأ

– اهم حاجة ادي لنفسك فرصة تهدأ قبل ما تدي اي رد فعل تندم عليه عشان زي ما قلنا ان الجزء المسئول عن التفكير  في المخ بيكون مش شغال..
الموضوع محتاج صبر و مجاهدة نفس و مثابرة و اهم حاجة استمرارية …
نفسك مستهالة انك تفضل وراها لحد ما تكون راضية عنها… 😌
تذكروا حديث الرسول عليه الصلاة والسلام (انما الحلم بالتحلم) (اذا غضب أحدكم فليسكت)
قول الله تعالي (وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ )
د.زهراء محمد استشاري نفسي و مدربة تربية ايجابية و اخصائي تعديل سلوك و مدربة تربية ايجابية
المصدر:Enjoy Being A Parent – قَرَّةٌ عَيْنَ

أضف تعليق