ازاي تعمل إعلان ناااااااجح؟! (1)

سوف نتناول اليوم فى موقعكم المفضل يفيدك عن ازاي تعمل( إعلان ممول) ناااااااجح؟(الجزء الصفر) نتمنى أن تلقى اعجابكم بأذن الله



-نقض_إعلانات

الصح:


١)المقدمة حلوة وتشد.😃



٢)عمل خصم. وده حاجة كويسة تحفز (التارجيت أودينس).



٣)حدد بالظبط محتوي الكورس عشان اللي جي يبقا عارف ومتوقع هو هيستفيد إيه بالظبط😃

————————————————————————–



اللي مش صح:




١) هو قال فوق إنك هتتعلم (ازاي تعمل سوشيال ميديا كامبين/إعلانات جوجل و اليوتيوب/وتصميم).

إيه الفايدة من تكرارهم تان تحت(مكنش ليهم لازمة).



٢) من ضمن اللي المتدرب هيتعلمه في الكورس هو (التصميم).

 بس الصورة اللي مع الإعلان مش (بروفيشنال)، ومتقولش إن الشركة اللي عاملة الإعلان هتعلمني أعمل تصاميم،وهما منزلين تصميم بالشكل ده.



هو آه التصميم بيخدم فكرة الإعلان وموضحها.

 بس مبيدلش إنهم مؤسسة محترفه تقدر تعلمني إزاي أعمل تصميم؛عشان أقدر أشد وألفت نظر الناس أكتر المحتوي بتاعي.😃



٣) محددش مدة الخصم هتكون أد إيه في البوست، وحددها في التصميم بس ومش متلاحظة😒



لازم نحدد مدة الخصم عشان نحفز العميل دايما إنه يشتري/يشترك،ومنسبش العملية مفتوحة ع البحري😄



وتنزل كل يوم بوست مع تصميم بسيط تقول فاضل (كذا يوم)  ع انتهاء خصم كورس(كذا)؛عشان يحس العميل إنه كل يوم بيعدي عليه من غير ما ياخد الكورس معاك إنه بيضيع فرصة ممكن متجلوش تان. واحنا (كبشر) مش بنحب نضيع الفر،وبنحب اننا نستغلها أحسن استغلال.(متنساش تلعب ع الحتة ده هتفرق أوي معاك ف عروضك) 😃




ملاحظة: (أوعاك) تمد الخصم (يوم واحد)  بعد ما تخلص المدة اللي انت محددها؛عشان يعرف العميل إنك جد، وكلمتك واحدة، وإنك فعلا لما بتقول كلمة بتنفذها، وعشان لما تعمل خصم تان زي ده يستغله بسرعه، وعشان ميحسش الناس اللي استغلوا فعلا الفرصة واشتركوا معاك من الأول قبل ما الخصم يخلص إنك ضحكت عليهم، و زيهم زي اللي اشتري/اشترك بعد ما الخصم خلص.😞

بالعكس دول  لازم فعلا يحسوا إنهم كانوا محظوظين لإنهم استغلوا الفرصة ده وغيرهم خسر.😎



ولو عندك أي عميل طلب منك تجددله الخصم،أو إن الخصم يشمله بعد انتهاءه.ترد عليه بكل أدب وتعتذرله لأن مدة الخصم خلصت وتاخد المحادثة ده اسكرين شوت وتنزلها في بوست عشان يشوفها كل اللي اشترك معاك فعلا. 😃



٤) الخط المستخدم في التصميم مش حلو.

كان لازم يتغير وبتعمل (highlighting)  وتركيز أكتر ع الكلمات المهمة زي كلمه:

-خصم

-70%



-till 14 Dec



-4 in 1

عشان تشد انتباه الناس اللي بتعمل(scroll) ،وبتجري زي (سونيك) ع ال (timeline) 😁



٥)ف الجزء بتاع محتوي الكورس كان ممكن يقول اللي هنتكلم من الكورس ف نقاط(١/٢/٣)،بدل ما هو مزنقهم ف بعض كده؛عشان يبقوا واضحين أكتر، ومريحين للعين،وأسهل وأسرع ف قرايتهم😃



٦)وفر وسيلة واحدة للتواصل وهو (رقم التليفون بس.

المفروض ع الأقل كان حط وسيلة تانية أسهل زي (يبعت رسالة للصفحة)؛عشان الأسهل ع اللي بيشوف الإعلان إنه يخش ع الصفحه ع طول ويكلمهم.

عن إنه لسه هينقل الرقم ع تليفونه ويكلمهم (اعمل حساب العميل الكسول أو اللي معندوش وقت😃)



ملاحظة تان: ممكن يكون اللي عامل الإعلان اضطر لكتابة رقم التليفون بس،ومضافش أي وسيلة تانية؛ بسبب إن المدير بتاعة طالب زيادة ف (نسب المكالمات) اللي بتيجي للشركة.

فاضطر إن يكون وسيلة التواصل هو (رقم التليفون) بس؛عشان يزود النسبة ده وتكون هيا الوسيلة الوحيدة للتواصل. والله أعلم. 😁



٧) مقالش إيه الميزة التنافسية اللي عنده ومش عند غيره؛عشان الناس تروحله هو وتسيب غيره.



شوية ملاحظات مهمة جداااااا:




_مش معني إنك عملت خصم يبقا كده انت (زي الفل).

ممكن تكون عامل الخصم ده عشان انت (مش زي الفل) عادي يعني.والمحاضرين/الكواليس بتاعتك ضعيفة.😖


_الخصم هو حافز للتشجيع بس،لكنه مش مبرر أبدا يخليني آجي آخد معاك الكورس.


_عود نفسك دايما إنك متعمليش أبدا إعلان من غير ما تقول ميزتك التنافسية؛عشان هيا اللي بتفرق بينك وبين المنافسين،وبتجذب العميل ليك انت مخصوص.

سواء بقا كنت عامل خصم أو لا.


_بدل الميزة التنافسية قوية،

انسى أي حاجة تانيه.(دا شعر ده؟ 😁).


فمن الآخر: إعلان من غير ميزة تنافسية ميعتبرش إعلان،وصدقني مش هيحقق ال (كونفرجين)  اللي انت متوقعه خالص😉

صباحكوا (كونفرجن) ضارب ف السما😍

المصدر:ماركتينج ع السريع

أضف تعليق