ازاي تعمل إعلان ناااااااجح؟! (2)

سوف نتناول اليوم فى موقعكم المفضل يفيدك عن ازاي تعمل( إعلان ممول) ناااااااجح؟(الجزء الاول) نتمنى أن تلقى اعجابكم بأذن الله


نقض_إعلانات

١) المقدمة حلوة،ولعبها صح.

لأننا ف موسم امتحانات،وطالما البوست بادىء بإنه بيتكلم عن الإمتحانات والمذاكرة والتركيز؛يبقا هيلفت انتباه الشريحة اللي المطعم مستهدفها وهيا: شريحة الشباب،ومعظمهم دلوقتي عندهم امتحانات وكده


٢) بدأ الإعلان بعرض وده حاجه كويسة تشد الزبون إنه يكمل قراية عشان ميفوتوش العرض.😃



٣) ٤ سندوتشات (١٥٠جم) للساندونش ولا الأربعة؟! 😁



٤) (فاميلي فرايز ولتر بيبسي ونافورة الجبنة السايحة).

كل دول مكونات العرض.كانوا لازم يكتبوا بطريقة منظمة أحسن من كده زي:



-فاميلي فرايز.

بس كان وضحها أكتر؛عشان مش كل الناس هتفهم اللغة ده.

كان ممكن يقول: “كيس بطاطس من الحجم العاءلي أو الحجم الكبير/أكبر حجم.



-لتر بيبسي



-نافورة الجبنة السايحة (لحد دلوقتي مش فاهم هيا إيه بردة) 😃



٥) ال(CTA) كويس؛عشان يفكر الناس يعملوا منشن لأصحابهم.



٦)المحل مخدش باله إنه لما يعمل إن العرض ساري ف المطعم بس.

فأنا مضطر أجي المطعم ومعايا كمان ع الأقل واحد من أصحابي عشان نفترس الأربع سندوتشات لوحدينا،واحنا أصلا ف موسم امتحانات ومذاكرة😹



فمنين انت بتقولي لازم تاكل عشان تذاكر كويس وتبقا مصحح.

ومنين بتقولي إن العرض ساري ف المطعم بس. فلازم انزل مخصوص واجيب معايا ع الأقل واحد صاحبي و نسيب مذاكرتنا عشان نستفيد بالعرض(اعقلوا الكلمة؟! 😂😂).



٧) حط اللينك عشان الناس تشوف كل اللي عنده، وتزيد نسبة المبيعات والأوردرات👏👏



ونتعلم من الحته ده إننا لما نعمل إعلان ممول وبنركز فيه ع حاجه معينه،ممكن برده نحط لينكات للحاجات التانية اللي عايزين العميل اللي بيقرا ياخد باله برده منها،ويحطها ف الاعتبار؛عشان يكون وجة نظر كاملة عن اللي بنقدمه ويثق فينا.



مثال:




أنا مثلا لو بقدم كورس ومركز ف الإعلان عن محتوي الكورس وتمنه والخصم اللي أنا عامله.



ممكن أحط ف آخر البوست لينكات لمنشورات كنت عاملها قبل كده بتوضح:



-خبرة المحاضرين

-فيديوهات صغيرة من داخل المحاضرة

-آراء الناس اللي خدت معايا الكورس قبل كده

-وهكذااااا



باختصار، أي حاجه عايز اللي بيقرا يشوفها؛عشان أحصل ع ثقته ف المكان ويتشجع ياخد أكشن معايا😃



٨) محطش رقم تليفون لطلب الأوردرات عموما! 😣



٩) محطش صورة للمكان؛عشان يجذب الناس؛بسبب روعة ونظافة المكان؛فتتشجع تروح.



الناس بتحب تروح تاكل ف مطاعم ديكوراتها، ألوانها، وشكلها حلو عشان تتصور هناك وتنزل صورها طبعا وهيا بتاكل وكده.

وكلنا بنشوف أصحابنا خاربنها ع حالات الواتس/ الفيس/الانستجرام.😹فكان ضروري ينزلوا صورة المحل من برة وجوه.

عشان يبقا كل حاجة واقعية😃



١٠) الصورة اللي نازلة مع البوست بروفيشنال وحلوة بس مش بتعبر عن العرض برده.

مكتوب (say cheese)

طب ده ماله بالعرض اللي بتتكلم عنه

وحاطط منتجات كتيرة مش العرض اللي بيتكلم عنه.



 يعني لو كان (صور) الاربع سندوتشات وباقي العرض كله وهو حاططهم ع طرابيزة عنده ف المحل، وحتا لو كانت صورة عادية خالص بأي موبايل جودته كويسة،حتا لو موبايل (الواد محمد)اللي بيعمل 🍕زي العسل

مش كان هيبقا واقعي أكتر قدام الناس!😐



استنوا ف (الجزء الثاني) من نقض الإعلانات البناء😃😃

المصدر:ماركتينج ع السريع

أضف تعليق