ازى تعرف طبيعة العميل من خلال المزيج التسويقي



ازى تعرف طبيعة العميل من خلال المزيج التسويقي

ازى تعرف طبيعة العميل من خلال المزيج التسويقي



دلع الزبون يدعلك، تبيع له يخلعك من دماغه!
عايز تدلع العميل وتكسب أكثر! بدل ما تزن علي دماغه ويخلعك؟ يبقى لازم تعرف الـ Marketing Mix الجديد وتحوله من الـ4PS لـ 4CS ؟!



زمان كان الـ Marketing Mix عبارة عن الــ 4PS (المنتج product – السعر price– الترويج Promotion– المكان place) وقت طرق الإعلان التقليدية زي التليفزيون والراديو ودلوقتى مع التطوير في التكنولوجيا والانترنت الوضع اختلف تمام.

ازى تعرف طبيعة العميل من خلال المزيج التسويقي



قبل الانترنت السوق كانت متقسم في سياق الاستهداف الكامل  “mass-market “، بمعنى انى اعمل منتج لكل الناس، أو لفئة كبيرة منهم، وكان السوق متقسم علي 3 أو 4 منافسين، لكن دلوقتى السوق في بدل المنافس 1000 بجانب تغير سلوك واحتياجات ورغبات العملاء.فـ كان لازم الـ Marketing Mix يتطور، عشان يناسب العملاء ومن هنا جه الـ 4CS.



سنة 1990 استاذ الاعلان والتسويق “بوب لوتربورن” Bob Lauterbornبجامعة”North Carolina ” عمل دارسة للمنتجات الجديدة في السوق الأمريكي سنة واكتشف أن    80 % من المنتجات دي فشلت بشكل كبير!

ازى تعرف طبيعة العميل من خلال المزيج التسويقي



وده خلاه يفكر أن الـ Marketing Mix القديم محتاج يتطور بسبب الانترنت ويتحول من الــ 4PS لــ 4CS عشان يناسب عملاء العصر الحالى:
1- المنتج تحول لـ ” رغبات واحتياجات العميل
(Consumer wants and needs (vs. Products):
زمان كان التجار بتروح تعمل منتج أو خدمة، وبعدها تروح تعمل اعلانات من خلال الطرق التقليدية.دلوقتى لازم قبل ما تروح تعمل منتج أو خدمة تروح تعرف الاول احتياجات ورغبات العميل الأول وبعدين تعمله الخدمة أو المنتج اللى يلبى احتياجاته ورغباته ويحل مشاكله.



2- السعر تحول لـ ” تكلفة إرضاء العميل” (Cost to satisfy (vs. Price: قبل الانترنت التجار كانت ماشية بمبدأ انا كلفت الـ منتج 5 جنيه، فـ هروح ابيع له المنتج بـ 6 جنيها، وده مش صح!لان العميل مش بيدفع تكلفة المنتج وبس! العميل بيدفع ثمن القيمة اللى بتتقدم لى واللى من ضمنها ثمن تكلفة المنتج.بمعنى أن ثمن المنتج أصبح مجموعة من الخدمات المختلفة، المعمولة عشان ترضى العميل.

ازى تعرف طبيعة العميل من خلال المزيج التسويقي



3- المكان اتحول لـ “راحة العميل” Convenience to buy (vs. Place): بمعنى أن تقدم منتجك للعميل في الوقت المناسب وبالشكل واللى يرحيه، لأن العميل مبقاش ينزل السوق عشان يشترى منتج معين، لأن أصبح قادر يشترى المنتج اونلاين بمنتهى السهولة، عشان كده لازم تدور علي الطريقة أللى العميل عايز يتقدم بيها المنتج وتروح تعملها.



4- الدعاية اتحولت لـ ” الاتصالات ” (Communication (vs. Promotion: زمان كانت الدعاية عبارة عن اعلانات من طرف واحد، وكنت ماشية بمبدأ أنك بتخاطب العميل وبس، من غير ما هو يتكلم!

ازى تعرف طبيعة العميل من خلال المزيج التسويقي



ومع دخول عصر الانترنت، اصبح عملية الدعاية عبارة عن عملية تواصل بينك وبين العميل، لازم تسمع رأي العميل،ومدى رضاهم عن المنتج، وعن التجربة كاملة معاك أنت كـ برند..



ببساطة الـ 4PS بتركز على التسويق من وجه نظر البائع (المنتج والسعر والمكان والترويج)، لكن الـ4CS بتهتم  بالتسويق من وجه نظر المشتري (القيمة للعميل والتكلفة بالنسبة للعميل والراحة والاتصال) عشان تشبع احتيجاته ورغباته وأهدافه.



قولنا محتاج تعرف ايه عن الـ Marketing والـ Business في الفترة اللى جاية؟! ❤



المصدر:Skillaya

أضف تعليق