اسباب البراز الاخضر عند طفلك الرضيع

اسباب البراز الاخضر عند طفلك الرضيع

اسباب البراز الاخضر عند طفلك الرضيع

لو  طفلك الرضيع برازه أخضر و فيه مخاط  بس وزنه كويس و بيرضع طبيعي يبقى مش محتاج أي دواء خاااالص .
فقط مطلوب منك إنك تحطي إبنك على الثدي الواحد  مش أقل من ١٠  دقائق…..ليييييييه؟؟

لإن في نسبة كبيرة من الأطفال اللي عندهم الموضوع دا  إتضح إن  السبب الرَّئيسي  إنهم بيرضعوا فترة قصيرة من ثدي الأُم …..أو الأُم بتبدل بسرعة من ثدي ل ثدي ف بيرضعوا اللبن الخفيف اللي في الأول (  #اللبن_الأمامي) و اللي مليان لاكتوز و بيفضل في المعدة ويتخمر ويعمل اللون الأخضر الغامق  و المخاط دا

اسباب البراز الاخضر عند طفلك الرضيع


لكن لما مدة الرضاعة زادت والأطفال بقوا بياخدوا اللبن الغني بالدهون و بيزود الوزن و بيشبَّع اللي إسمه #اللبن_الخلفي  بدأ الموضوع يقل لإن الدهون اللي في اللبن دا بتسهل الهضم و مش بتخللي حاجه تتراكم في البطن وبيرجع البراز  ل لونه الطبيعي .

كمان لو زودتي فترة الرضاعة من صدر واحد هتتغلبي على مشاكل كتير تانية لإن اللبن الخلفي بيشبع و تقيل  ف هايخلليه يرضع وينام فترة كويسة و مش هايعيط طول الوقت ويفضل عايز يرضع كل شوية ….كمان مرات الترجيع هتقل ….و هترتاحي من التهابات الحفاضة اللي   كل شوية تيجي  بسبب  اللاكتوز  المتخمر الحمضي  اللي بينزل مع البراز

اسباب البراز الاخضر عند طفلك الرضيع


في أسباب تانيه كمان  للبراز الأخضر اللي  فيه مخاط  زي مثلاً 


🔫 الطفل بيسنن أو عنده رشح.

🔫 لو بدأتي تأكليه.

🔫 الطفل يكون بياخد أدوية و من أعراضها الجانبية الموضوع دا .

اسباب البراز الاخضر عند طفلك الرضيع


🔫 لو الطفل  بيرضع صناعي و اللبن بتاعه مدَعَّم بالحديد.
و حتى لو مش مدعم بالحديد براز الطفل اللي بيرضع حليب صناعي بيبقى له ألوان كتير من الأصفر الأخضر الأزرق و الرصاصي البني و دا حسب اللبن و طريقة هضم الطفل ليه 😌

🔫 لو بيرضع صناعي و الببرونة و الحلمة مش بيتغسلوا كويس..

يعني الأسباب كتير ف مش كل شوية تعطي الطفل فلاجيل و انتينال

اسباب البراز الاخضر عند طفلك الرضيع


طيب  #إمتى_نقلق  ؟؟


🔴 لو  زادت   عدد المرات و أصبحت أكثر سيولة مع قيئ و حرارة لأكتر من ٢٤ ساعة ….لإن دا  ممكن يكون نزلة معوية.

🔴 لو صاحب النوع دا من البراز ضعف عام و هبوط في الوزن  من الولادة( الطفل وزنه مش بيزيد أو  مش بيكبر ) مع قيئ و إكزيما أو التهابات في منطقة الحفاضة و الجلد عامةً و بتكون   مزمنة.  و ضيق في التنفس و التهابات متكررة في الجهاز التنفسي و نزول دم مع البراز …. لإن  دا من علامات حساسية الألبان  .

دمتم بخير
 المصدر: Dr.Ashraf kasem د.أشرف قاسم

أضف تعليق