افهمى طبيعة ابنك علشان تعرفى تربى صح


 سوف نتناول اليوم فى موقعكم المفضل يفيدك عن افهمى طبيعة ابنك علشان تعرفى تربى صح  نتمنى أن تلقى اعجابكم بأذن الله





نصايح  لتربية إبنك

١- إسمعهم اكتر واتكلم أقل وخليهم يعبروا

قضي وقت اكتر مع ولادك واسمعهم اكتر ما بتتكلم . الموضوع ده مهم جدا في لان الطفل هيقدر يعبر عن احتياجاته وعن نفسه بشكل كبير .

علطول أسألهم أسئله مفتوحه عشان يتكلموا ويعبروا عن نفسهم من خلالها زي عملت ايه النهارده في المدرسه ؟ احكيلي بقا الموضوع ده كان عامل ازاي ؟ قولي يومك كان عامل ازاي ؟ نفسك نعمل ايه في الصيف ؟

٢- إهتم . . بجد

الإهتمام الحقيقي مش هو أنك تشوف متطلباته الماليه بس ولا إنِك تهتمي بتغذيته ونضافة لبسه  كتير من اولياء الامور بيكون الأولويه الأولى في حياتهم هيا اولادهم لكن للأسف بعدم الاهتمام الحقيقي بيفقدوا العلاقه معاهم مع الوقت .

الاهتمام الحقيقي في متابعه اخلاقهم و تطورهم العلمي وأصدقاءهم وأهلهم ومتابعه درجاته الدراسيه هو من اشكال الاهتمام الحقيقي ومتنساش ان اهم حاجه في الاهتمام هو التقدير اللفظي للطفل لانه بيزرع جواه الثقه وبيعزز جواه احساس الامان النفسي

٣- صاحب القرار

شاركه في القرارات الكبيره والمهمه وفهمه ازاي ياخد قرار سليم في حياته  ساعده انه يفهم نفسه ويعرف يعني إيه مشكله ويعني إيه مصدر المشكله ويعني إيه حلول و حلول بديله و يعني إيه قرار و قيمه القرارات اللي بياخودها وتأثيرها الضخم على حياتنا وعلى حياة اللي حوالينا .

القرارات هيا اللي بتشكل حياتنا بكل معنى الكلمه . نمي عضله اتخاذ القرار عند ابنك من هو صغير بأنه ياخد قرارات كتير ويغلط ويتعلم منها. هو ده افضل اسلوب عشان تخليه صاحب قرار.

٤- ساعدهم . . تسعدهم

اطلبوا منه دايماً المساعده . يشيل الحاجه من السفره . تنظم معاكم البيت . يساعدك في نقل الحاجات . تساعدك في الطبخ البسيط . يساعدك في فك وتركيب بعض الحاجات.

 الاشخاص اللي بيقدروا مجهود الغير بيكونوا كرماء وودودين جدا وبيحبوا المساعده ومتسامحين

علشان كدا بينصحوا ان الاب والام يتشاركوا الاعمال بشكل عام ويطلبوا من ابناءهم المساعده ويكافؤهم على المهام الصعبه.

٥- دفتر المتابعه

عمرك فكرت تكتب سلوكيات ابنك السلبيه وتشتغلوا عليها ؟

 الموضوع ده ليه مفعول السحر في تطور سلوك ابنك بشكل كبير في وقت قصير كتابه السلوكيات السلبيه اللي لاحظتها على ابنك والاهتمام بيها والقرايه عنها وتطبيق اساليب التربيه الخاصه بالسلوك ده المتاحه على الانترنت بشكل كبير هتكون هيا السبب الاساسي في تعديل السلوك السلبي لسلوك ايجابي بشكل سريع وعملي

٦- إحنا مين

الأبناء بشكل عام بيتعاطفوا مع الناس اللي يعرفوهم زي الاسره والعيله والاصحاب  بس لازم كمان تعرفه انه عايش في عالم كبير مع ناس كتير زيه واننا اخوه في الانسانيه وان فيه بعض اخواتنا في العالم ده بيعانوا اجتماعيا او اقتصاديا وإن واجبنا هو مساعده اخواتنا في كل مكان على قد ما نقدر

 الموضوع ده هام جدا في توضيح الرؤيه الكبيره وعلاقه الطفل بالعالم حوليه وان ده بيوسع مداركه بشكل كبير وبيخليه مستعد للتعامل مع عالم اكبر من العالم المحدود جدا بتاعه.

دمتم بخير وسعاده

المصدر:Reda Aly Arafa

أضف تعليق