التسامح لا يساوي النسيان

سوف نتناول اليوم فى موقعكم المفضل يفيدك عن التسامح لا يساوي النسيان نتمنى أن تلقى اعجابكم بأذن الله




بعض الذكريات تأبي ان تهدأ وتثير الالام والشجون……نعجز عن  التسامح ما الحل؟؟؟؟؟ازاي تسامح ازاي ننسي؟؟؟؟؟؟
التسامح محتاج وقفة عشان نفهم
انه مش معني اني اسامح اني انسي
ايوووة
التسامح لا يساوي النسيان
التسامح هو إطلاق المشاعر المؤلمة من الصدر…وليس نسيان انها كانت موجودة ولا الإصابة بفقدان ذاكرة
لماذا أطلق المشاعر المؤلمة من الصدر؟
املا في ان يطلق الله سراح مشاعر مؤلمة في صدور الآخرين ضدي….وان يعفو عني
طيب ما هي المشكلة اني مش عارف أطلق سراح المشاعر المؤلمة التي في صدري تجاه بعض الأشخاص والأحداث
هي دي المشكلة
تمام يبقي متفقين ان التسامح مش نسيان ؟
التسامح انك تبطل تشيل في قلبك تجاه اللي حصل ….
مش انك تنساه
طيب ازاي؟
المشاعر المؤلمة رسالة قوية جدا في القلب جاية تقول حاجة عنك وعن اللي قدامك وعن الموقف
تاني…
المشاعر المؤلمة اللي في صدرك
جاية تشير الي شئ يخصك
شئ يخص الموقف
شئ يخص الطرف الآخر
الشئ اللي يخصك هو اي…؟؟
انك بتعطي بشكل اوفر لناس متستاهاش؟
انك بتدي الثقة بسهولة ؟
انك مضطرب نفسيا ؟
انك بتخاف بزيادة؟
كل واحد مشاعره جاية تقوله حاجة
من فضلك
🤚
اسمع مشاعرك بتقول لك اي عن نفسك
________
وياريت اول حد تعرف انه مكانش قاصد بيك ضرر هو نفسك ومتحكمش علي نفسك بشطارتك النهاردة وخبرات لكن بمعلوماتها المحدودة زمان  ايام الموقف بطل تقول لنفسك كلام جارح عن نفسك لانها مش عبيطة هي بس كانت متأملة او متعشمة
_____
تاني حاجة اتأملها المشاعر بتقول اي عن  الطرف الاخر؟
مؤذي
اناني
غريب الأطوار
مبيقدرش؟؟
طيب خلاص المشاعر قالت
طيب ليه أفضل محتفظ بالغيظ
ما اسيبه بقه
ما انا فهمت اهوه
اسيب بقه مشاعر الألم
واتفهم
هنا بانبهك بحاجة ان إطلاق سراح مشاعر الألم أشد واصعب من الاحتفاظ بها عشان كده التسامح أجره عظيم
تاني
يعني اما يحصل موقف سئ
النفس إمارة بالسوء
بتحب تحتفظ بالألم
وده اسهل لها
الاصعب هو اني انظر في رسالة المشاعر ثم أطلق سراح الألم
____
تالت حاجة الموقف
سامح اللي حصل
ازاي اسامح احداث؟؟؟؟؟؟؟
القضاء والقدر معاهم اني أتقبل الحدث…الدنيا مكان نقص مش مكان كمال سامح الحدث =أطلق سراح الألم تجاه الحدث
سيدنا يوسف كان فاكر كويس ومش ناسي أعمال اخواته
ولكن سامحهم يعني ترك الانتقام +ترك الألم تجاههم….
التسامح مش نسيان
التسامح ترك الألم جانبا بعد فهم هدفه
ولو انت عملت كده
ربنا 
بيرتب لك اجر كبير
كلام كتبته من القلب
اسأل الله ان يصل الي قلوبكم






المصدر:د ايناس فوزي مركز ايناس و الأطفال 

أضف تعليق