السفر لألمانيا : ما هي السنة التحضيرية ؟

السفر لألمانيا : ما هي السنة التحضيرية ؟

سوف نقدم لكم اليوم في موقعكم المفضل موقع يفيدك مقالة مميزة بعنوان السفر لألمانيا : ما هي السنة التحضيرية ؟ مقدمه من الجروب المميز جروب المصريين في ألمانيا، هيا بنا لقراءة المقالة سويا .

طيب من كام يوم جالي الحمدلله قبول لدراسة السنة التحضيرية في جامعة برلين التقنية دا طبعا اما خوضت اختبار السنة التحضيرية فا حبيت اكتب نفس مقالة كدا على جزئين هركز فيها على اختار الدخول  وطريقة التحضير ليه وكام نقطة عن السنة التحضيرية محدش اتكلم عنهم كتيير قبل كدا
او على اللي في البوستات الي كنت شفتها

السنة التحضيرية :

 هي عبارة عن فصلين دراسيين يتوجب على بعض الطلاب القيام بها وذلك حسب المكان الي انتا اخدت منه الشهادة الثانوية الي انتا هتقدم بيها

الناس المحتاجين سنة تحضيرية :

بشكل عام كل الطلاب الذين حصلوا على شهادة الثانوية العامة من الوطن العربي بتوجب عليهم ادخول السنة التحضيرية لكي يسمح لهم استكمال الدراسة في الجامعة في مرحلة البكارليوس ما عدا الطلاب الحاصلين على شهاداتهم من :سوريا وفلسطين ولبنان

دا بشكل عام ولكن المرجع الوحيد الموثوق والي مافيش كلام بعده هوا الموقع ده : من هنا

الجامعات الي بتقدم سنة تحضيرية
في تجربتي الشخصية اعتمدت انا على موقعين علشان اعرف الجامعات الي بتقدم السنة التحضيرية واعتقد دول اشمل موقعين انا شوفتهم
الاول بتاع الشباب السورين الي بيدرسوا في المانيا : من هنا
الثاني هوا تقريبا موقع حكومي : من هنا

الفرق بين السنة التحضيرية في الجامعة وفي الfachhochshule

الفرق الي معروف لحد دلوقتي  وبعيدا عن نقطة مين احسن الجامعة ولا ال fachhochshule هوا انو لو دخلت السنة التحضيرية في الجامعة هتعرف تكمل في الجامعة او في fachhochshule  ولكن العكس غير صحيح .
طبعا في ناس بتقول انوا لا العكس صحيح و ينفع تكمل عادي في جامعة لو انتا عامل سنة تحضيرية في  fachhochshule او حتى  في اسوء الاحوال ممكن تعمل فصل دراسي في الfachhochshule  لما تخلص السنة التحضيرية وبعدين تحول.
 ولكن اختصار للجدل القائم في النقطة دي فالمعيار الوحيد هنا هوا مراستلك للجامعة الي هتعمل عندها سنة تحضيرية ويفضل تكون ايميل متبقاش مكالمة تيلفون

طريقة التقديم

طيب بالنسبة للتقديم انتا محتاج على الاقل شهادة b1  وبعض الجامعات زي برلين التقنية محتاجة . b2 
نقطة مهمة مش لازم الشهادة اللغة  تكون طالعة من معهد جوته او معهد تلك  شهادات المعاهد الخاصة الي في المانيا  معترف بيها في التقديم ودي عن تجربة شخصية .
 بعد كدا بتقدم اوراقك يا ما عن طريق اليوني اسيست لوكانت الجامعات بتتعامل مع اليوني اسيست او بتقديم مباشر او في بعض الجامعات بيكون فيها تقديم مباشر .
لكن بتكون محتاج تجيب ورقة الاول من اليوني اسيست اسمها vpd   زي  السنة التحضيرية في ميونخ او في هايدلبرج  ودي بتجي عن طريق بتعمل طلب تقديم للجامعة طبيعي خالص على اليوني اسيست وبعد كدا بتستنى وهما بدل ما يكملوا الطلب للجامعة بيبعتولك على العنوان بتاعتك الورقة دي وانتا بعد  كدا بتاخدها وبتكمل التقديم المباشر.
لو الجامعة محتاجة الورقة دي يبقى اعمل حسابك انها بتاخدلها على الاقل 3 اسابيع علشاان تجيلك الورقة  ما تقدم ويفحصوا ورقك بيبعتولك دعوة لامتحان الدخول السنة التحضيرية

البدائل

طيب علشان تدخل السنة التحضيرية انتا محتاج انك تتقبل في امتحان الدخول و في الاغلب بتبقى المشكلة في نقطة الامتحان دي لانوا  بيبقى العدد المقدم كبير مقارنة بالاعداد الي بيتم قبولها في السنة التحضيرية مش مسالة  احباط  بس دا الواقع .
في بعض المعاهد بتقدم سنة تحضيرية خاصة ودي لا ينصح بيها على الاطلاق لانوا حتى بعد اما تدفع الفلوس اغلبيتهم بتكون جودة التعليم في رديئة ومفيش التزام فيها  بالاضافة  انوا المعهد الي بيقدم السنة التحضيرية الخاصة مش هوا الي هيعمل الامتحان النهائي للسنة  التحضيرية ودي مشكلة لانوا ممكن تروح الامتحان النهائي وتلاقي حاجات انتا ماخدتهاش قبل كدا على عكس السنة التحضيرية في الجامعات زي جامعة هانوفر مثلا فجامعة هانوفر بتدرس السنة التحضيرية وهيا الي بتعملك الامتحان النهائي وبالتالي كل الحاجت الي هتيجي في الامتحان هتكون من الحاجات الي انتا درستها

ولكن في بديل زي جامعة دريسدن التقنية بتقدم سنة تحضيرية اسمهاTUDIAS  دي جامعة حكومية ولكن بتقدم برامج السنة التحضيرية مش بشكل مجاني وفي المقابل بيكون فرصة القبول فيها افضل وامتحان الدخول اسهل بالاضافة الي انوا هيا الي بتعملك الامتحان النهائي ودي مصايفها حوالي 4750 يورو.

قد تحب قراءة : 
ـ الدراسة في ألمانيا : الأسئلة العامة لمقابلة السفارة

ـ الدراسة في ألمانيا : المطلوب مني بعد الحصول علي الفيزا ؟ حاجات مهمة تاخدها معاك من مصر

ـ السفر لألمانيا : ماذا بعد الوصول لألمانيا ؟

ـ السفر لألمانيا : العمل في ألمانيا كطالب

ـ السفر لألمانيا : ما هو المطلوب حتى ادرس في ألمانيا ؟

ـ السفر لألمانيا : لو جواز السفر ضاع تعمل ايه ؟

ـ السفر لألمانيا : الحصول على قبول معهد لغة في ألمانيا ؟

ـ السفر لألمانيا : خطوات فيزا اللغة Sprachkurs Visum

ـ السفر لألمانيا : معلومات عن السنة التحضيرية Studienkollegs

ـ السفر لألمانيا : التحضير للإختبار تجربة شخصية حول طريقة إجتيازه 

ـ السفر لألمانيا : دراسة الماجستير والدكتوراه في الجامعات الألمانية

ـ السفر لألمانيا : كيفية الحصول على قبول بنفسك

ـ السفر لألمانيا : أسباب الرفض في الجامعات الألمانية

ـ السفر لألمانيا : فتح حساب مغلق في دويتش بنك

ـ السفر لألمانيا : البطاقة الزرقاء ” اقامة للعمل”


ـ السفر لألمانيا : تجربة فيزا البحث عن العمل

أضف تعليق