انا بحب افرض الاوامرعلى اولادى ..رسالة ام

سوف نتناول اليوم فى موقعكم المفضل يفيدك عن فرض الاوامرعلى الاولاد نتمنى أن تلقى اعجابكم بأذن الله


دة غلط كبير كدة مننا و اساسه هو حب السيطرة و الديكتاتورية …..فكرة انهم صغيرين و احنا الكبار و لااااااااازم يسمعوا كلامنا دى فكرة غلط و بتطلع شخصيات منقادة مالهاش اى شخصية .

و للاسف الوالدين مش مدركين ان الطفل عندة القدرة على الاختيار و الاعتماد على نفسة فى امور كتير

تلاقى الام طول اليوم ” كل ….نام …اقعد ….انا مش قلت لك اعمل كدة …..”

نتيجة هذا الكلام حاجة من اتين :


1- يبقى شخصية ضعيفة بيسمع كلام اى حد و يخاف يعبر عن راية

2- يكبر دماغة منك على الاخر و يسيبك تقولى و يعمل نفسة مش سامع

و فى الحالتين نتائج مش كويسة

بس فى حالات لاازم يبقى فيها فرض الاوامر على الطفل و علشان الحالات دى نحاول فى باقى الاحوال اللى لا تستدعى نخلى الامر بالاقناع علشان فرض الاوامر ميفقدش مفعوله



الاحوال التى يجب فيها فرض الاوامر :


1-النوم

2- لو اتعرضت صحة الطفل للخطر

3-لو فى روتين معين بتمشى عليه الاسرة

يبقى لازم يكون للطفل مساحة من الحرية يختار فيها و يحس بنفسة .

يعنى ياكل بطريقتة و يلعب بطريقتة حتى لو طريقتة ادت لبعض الحوادث البسيطة للبيت و تعبتى لتنضيفها بس معلش ما هو لازم يتعلم و مع الوقت هيعمل الصح .

طيب لو الطفل عاندك فى امر زى اختيار لبسه مثلا او كدة ….ماتزعليش و تقولى دة وحش و عنيد

لا بصى للامر بوحهة نظره هو …انه عايز يحس بشخصيتة و انه هو اللى بيختار دى شئ ايجابى مش سلبى

ماتدمريهوش انتى بقى بكلام مدمر …انت عنيد …انت مابتسمعش الكلام …و كلام من ده

لا لو الامر بسيط و مافيهوش خطر عليه عديه و شجعيه و افرحى باختياره و و حسسيه انه احلى اختيار فى الدنيا

حتى لو اصر مثلا ينزل بشراب شكل و شراب شكل …..اه و الله ….سيبيه و قولى له انها فكرة رووعة

او ممكن انتى تديلة اختيارات يختار ما بينها …كدة انتى فى حقيقة الامر انتى اللى مختارة بس هو فاكر ان هو اللى بيختار ….فاهمنى .

الخلاصة


1- نسيب الاولاد يلعبو بطرريقتهم الخاصة و مانفرضش عليهم طريقة معينة للعب .

2- اتركى حرية الاختيار للطفل انه يختار وقت اكله و ياكل بنفسه لو عايز حتى لو وقع على الارض و انتى عليكى تنضفى

3-برضو فى اللبس سيبيه يحاول يلبس بنفسه الحاجات السهلة .

4-لما تختارى له انتى حاجة ماينفعش هو يختار فيها بنفسه حاولى تفهميه سبب اختيارك ليها ايه مش فرضها عليه بالقوة و خلاص يعنى حاولى تقنعية بيها و تحسسيه ان هو اللى عايزاها .

دمتم بخير وسعاده ❤

فضلا  اترك تعليق

المصدر:Reda Aly Arafa

أضف تعليق