بتعصب علي ولادي … محتاجة اعرف اهدي نفسي ازاي ؟

 بتعصب علي ولادي … محتاجة اعرف اهدي نفسي ازاي ؟

 بتعصب علي ولادي ... محتاجة اعرف اهدي نفسي ازاي ؟


انا عارفة اني عصبية و بتضايق من نفسي اوي لما بتعصب علي ولادي😔 … محتاجة اعرف اهدي نفسي ازاي ؟
العصبية الكتير و ان خلقك ضيق ده نتيجة  الضغط  و المسئوليات الكتير اللي شايلاها و جاية علي نفسك بزيادة..😕 باعتقادك ان كل لما تضحي و تيجي علي نفسك اكتر انتي كده  ام  احسن … فا بتوصلي لمرحلة للاسف مبتستحمليش حاجة و ان كانت صغيرة 
كمان ولادك بياخدوكي حق مكتسب ليهم .. و ان ماما في الاخر هتعمل كل حاجة  فا يكبر جواهم الاعتمادية و عدم المسئولية  

 بتعصب علي ولادي ... محتاجة اعرف اهدي نفسي ازاي ؟


#الحل_ايه؟
تقديرك و احترامك لنفسك انتي بس اللي في ايدك انك تعمليه و تعلمي ولادك عليه😌
-ادي لنفسك وقت تسترخي فيه و يكون وقت لنفسك فقط💆🏻.. ٢٠ دقيقة علي الاقل يوميا.. قبل ما يقوموا من النوم او و هما نايمين … افصلي عن كل حاجة .. خليها وقت سرحان من بتاع زمااااان💅🏻☕🍫🍉🍦…
-خلي حد يساعدك .. مش شطارة منك تعملي كل حاجة … حتي اذا معملوهاش زيك المهم انها اتشالت من عليكي😉..

 بتعصب علي ولادي ... محتاجة اعرف اهدي نفسي ازاي ؟


-محتاجة تلعبي رياضة🏃🏻‍♀ حتي ان كان ولادك حواليكي .. ان شاء الله ١٠ دقايق في اليوم.. هتحسي بالانجاز و النشاط و هتطلع الطاقة السلبية اللي جواكي😌..
#طيب_هتعملي_ايه_في_الموقف_نفسه_اللي_معصبك؟!
اثبتت الدراسات العلمية .. ان الجزء المسئول عن التفكير في المخ thinking brain بيكون مش شغال و انتي عصبية… مهما اقنعتي نفسك انك مدركة انتي بتقولي ايه .. فا للاسف علميا التفكير و المنطق بيكونوا مش شغالين عندك لحد ما تهدي .. اللي بيكون شغال بس هو الجزء المسئول عن المشاعر (feeling brain)
#هل_يعقل_انك_تاخدي_اي_قرار_في_الوقت_ده ..
طيب كام مرة اتعصبتي و بعد ماهديتي حسيتي انتي مش مستوعبة انتي كنتي بتعملي ايه  ولا بتقولي ايه 🙄؟!
وكام مرة وصلتي لمرحلة من  العصبية كنتي و مدركة انك بتعملي حاجة غلط و مش عارفة توقفي نفسك خلاص😳😔 …

 بتعصب علي ولادي ... محتاجة اعرف اهدي نفسي ازاي ؟


#خطوات_عملية_للحل ..
محتاجة تركزي مع التغيرات الجسدية اللي بتحصلك لما بتبدئي تتعصبي 😠…
– صوت نفسك بيعلى – دقات قلبك بتزيد  – ضخ الدم بيزيد في العضلات فا بتحسي نفسك قويتي💪..
اول لما تحسي التغيرات دي محتاجة تلحقي نفسك قبل ما تخشي علي مرحلة الوحش😡 و متعرفيش تمسكي نفسك … محتاجة  تمشي من المكان اللي انتي فيه و تروحي تهدي …لان الخساير هتكون اكبر مما تتخيلي اذا فضلتي… و متقوليش هيبان شكلي ضعيفة و مش عارفة اواجه…
واجهي و انتي مدركة و الجزء في المخ المسئول عن التفكير شغال…
 واجهي و انتي واعية لكل كلمه بتقوليها و ده مش هيحصل الا اذا هديتي..

 بتعصب علي ولادي ... محتاجة اعرف اهدي نفسي ازاي ؟


متقوليش مش هعرف امشي  . اذا الموضوع كبير و اللي قدامك مش هيتقبل انك تمشي ..  قولي انك محتاحة تدخلي الحمام😉 … و روحي اهدي هناك…متسيبيش نفسك توصلي لمرحلة الوحش
 #اهدي_ازاي_لما_امشي؟!
 هتروحي تتنفسي بهدوء  و فكري في حاجة بتحبيها بحر مثلا  او اي منظر طبيعي اي حاجة بتخليكي مسترخية 💆🏻…
ممكن تجيبي ورقة و تكتبي مشاعرك السلبية قولي كل اللي عندك هتهدئي كتيير📝…
 افصلي التفكير عن الموضوع اللي مضايقك اذا سبتي المكان و فكرتي في اللي مضايقك هترجعي متعصبة اكثر ..
-ممكن كمان اما تتعصبي تضربي  مخدة او حاجة تخليكي تطلعي الطاقة اللي في عضلاتك عشان تهدي ..
 – حاولي تعملي اي نشاط ذهني … تعدي من ١-١٠ بالشقلوب… لما تعملي نشاط ذهني الجزء المسئول عن التفكير بيرجع يشتغل تاني

 بتعصب علي ولادي ... محتاجة اعرف اهدي نفسي ازاي ؟


#طبعا_لما_بتعصب_مش_هعرف_افتكر_الكلام_ده
الموضوع محتاج جهاد مع النفس و ممكن تنجح مرة و المرة اللي بعديها تفلت منك.. اهم حاجة الاستمرارية  و التدريب و انك تفضلي ورا نفسك  لحد متكوني راضيه عنها … 
محتاجة في وقت الهدوء  تتدربي كتير علي التنفس بهدوء عشان تعرفي تفتكريه و تعمليه وقت العصبية😉 …

 #افتكري انتي بس اللي في ايدك انك تهدي نفسك… و كمان خدعوكي فقالو العصبية طبع و مش بيتغير ..بالمجاهدة النفس و التدريب و الاستعانه بالله اولا هتقدري تتغيري😉 …
تذكري حديث الرسول عليه الصلاة والسلام  ( لا تغضب ولك الجنة) ،
 ( إذا غضب أحدكم فليسكت )
د.زهراء محمد استشاري نفسي و مدربة تربية إيجابية و أخصائي تعديل سلوك 
المصدر:Enjoy Being A Parent – قَرَّةٌ عَيْنَ

أضف تعليق