بقلم طالبة في الثانوبة العامة لكل طالب او طالبة


سوف نتناول اليوم فى موقعكم المفضل يفيدك بقلم طالبة في الثانوبة العامة لكل طالب او طالبة نتمنى أن تلقى اعجابكم بأذن الله





.بقلم طالبة في الثانوبة العامة لكل طلاب الثانوية العامة ..انقله لكم ويستحق القراءة .

.فيه معاني عميقة

💜💙💚



تقريبا… وصلنا لنص الثانوية العامة.

تالتة ثانوي

سنة طويلة قوي

و قصيرة قوي في نفس الوقت

متعرفش هي بتجري بسرعة و لا بطيئة قوي… لأنك حاسس بالاتنين

في نص السنة

و في عز الامتحانات الكتيييرة اللي مبهدلانا و الواجبات و المناهج و المذاكرة و التعامل مع ناس كتير جديدة

حبيت ان انا اكتب البوست ده

او حسيت ان من واجبي اكتبه :)))

لان ناس كتييير قوي

متعرفش يعني ايه ثانوية عامة

و الحقيقة انك من كتر ما الناس بتتكلم عنها

مبتعرفش ايه هي

لحد ما بتدخلها بجد

ثانوية عامة سنة خروج من ال comfort zones

يعني خروج من اي حاجة مريحة و سهلة و متعودين عليها

خروج من كل حاجة مكناش عايزين نخرج منها

خروج من الروتين اللي بنفضل فيه ١٧ سنة بدون تغيير

خروج من الكسل و الرغبة في عدم التغيير أبدا

يعني سنة مليانة تعب… اه مليانة… مقدرش اقول عليها سنة سهلة زيها زي اي حاجة

لأنها جديدة

مختلفة

بتجرب فيها حجات جديدة و تروح أماكن جديدة و تشوف حجات جديدة مكنتش بتشوفها و انت قاعد مرتاح في ال comfort zone بتاعتك

مش صعبة انما مختلفة

و برده فيها حجات حلوة قوي هتفضل تحمد ربنا عليها بقية حياتك و حجات عمرك ما كنت هتلاقيها في اي سنة تانية  و لحظات هتحبها قوي و هتبقى من أسعد لحظات حياتك

فلو انت مكسل و مش عايز تخرج و تشوف و تجرب و تكبر متدخلش ثانوية عامة احسن

لكن لو انت مستعد تبذل شوية مجهود زيادة و تطلع برا دايرة الراحة بتاعتك علشان تلاقي طريقك و تجرب حجات جديدة و تكمل حياتك زي ما انت عايز

ف انت هتعجبك ثانوية عامة قوي 😀

لان الناس اللي بتخاف من ثانوية عامة او بتخوف الناس منها

ناس بتخاف من المجهود

ناس مش عايزين يجربوا و يشوفوا حجات  مختلفة (حجات مختلفة مش صعبة)

مش عايزين حاجة .. عايزين يأنتخوا في ال comfort zone بتاعتهم و النجاح يجيلهم لحد عندهم

بس المفاجأة أن الناس دي

متعرفش يعني ايه ثانوية عامة اصلا

و عمرها ما هتقولك ثانوية عامة اد ايه سنة تحفة

اد ايه سنة مختلفة و بتجرب فيها مواقف جديدة بتعجبك قوووي

اد ايه بتديك فرص و خبرات كتير جديدة و نوع جديد من الحرية

في ثانوية عامة بيجيلك مدرسين متميزين جدا تقريبا مفيش زيهم….و كتير منهم هيكون احسن مدرس اداك المادة دي في حياتك

مش بس بيحببوك في المادة

لا كمان أحيانا بيخلوك تفهمها لأول مرة في حياتك مهما كنت بتكرهها قبل كدة و هفضل تفتكرهم بعد كدة طول عمرك :’))

فيه حصص كنت بتكرهها بس في ثانوية عامة الحصص دي هتبقى من اكتر الأوقات اللي بتحبها في يومك

هتشوف ناس جديدة و هتتحط مع صحابك في مواقف هتحبوها قوي و هتبقى ذكريات

هتتمشى مع صاحبك بعد الدرس و تاكلوا حاجة بسيطة مع بعض و هتقدر الوقت اللي بتقضوه مع بعض قوي

و اللي فاكر ان تالتة ثانوي هتقطع علاقته بصحابه الحقيقة هي العكس

لأن اللي عايز يفضل معاك بيفضل و لو حصل ايييه :’)

و اللي عايز يقابلك بيقابلك

و حتى لو مش كل الناس بتشوفها كل يوم علشان الظروف و المواعيد برده بتفضلوا مع بعض في كل التفاصيل

هتعرف اد ايه انت و صحابك متستغنوش عن بعض لما يكون كل واحد فيكم مزنوق و عنده ميت حاجة و مع ذلك برده بيشرح للتاني الحتة اللي مش فاهمها

لما تحب الدرس اللي انت رايحله فتحب الطريق بتاعه و تتبسط و انت رايح

لما الدنيا تمطر و انت راجع هتحس اد ايه الدنيا أحيانا بتكون جميلة و هتقعد تدعي ربنا جواك ان السنة تعدي على خير

تالتة ثانوي هتطور شخصيتك و تكبر مخك

 هتخليك تشوف عيوبك قدامك علشان تخلص منها و هتخليك احسن و اقرب للشخص اللي تتمنى انك تبقاه حتى لو محتاجة شوية تعب 

فالبوست ده موجه لكل الناس اللي لسة موصلتش لتالتة ثانوي و عايزين يعرفوا هي ايه

 متخافوش…السنة دي مش وحشة كدة أبدا

و لازم اكون صريحة معاكم هي متعبة اه و مرهقة اه علشان مختلفة اكيد عن باقي السنين

لكن مفيش حاجة تستدعي الخوف

لانها زي ما فيها متاعب جديدة.. فيها برده حجات جميلة جديدة و كتييرة❤

انت بس اتعب شوية و اتحرك شوية و “خليك جدع”

و اللي مش عايز يتعب مش عايز يعيش في دنيا اساسا ده عايز جنة

انا مش عايزة احرقهالكم 😆

 لسة فيه حجات كتييير اكتر من كدة…. بس لما تجيلك لحظة و انت في تالتة ثانوي تبقى مبسوط فيها و بيها و تحس ان السنة دي فيها حجات عمرك ما كنت تتخيلها هتفهم قصدي ..و هتعرف انها فعلا…من احلى ايام حياتك

و ابقي افتكرني ساعتها
المصدر:د ايناس فوزي مركز ايناس و الأطفال

أضف تعليق