بنتك بعدت عنك و مش بتحكيلك عن مشاكلها أو مشاعرها..ازاى اسمع ابنى

بنتك بعدت عنك و مش بتحكيلك عن مشاكلها أو مشاعرها..ازاى اسمع ابنى 

بنتك بعدت عنك و مش بتحكيلك عن مشاكلها أو مشاعرها..ازاى اسمع ابنى


بنتك بعدت عنك و مش بتحكيلك عن مشاكلها أو مشاعرها..😒
ابنك بيرد علي قد السؤال و مش عارفة حاجة عنه..😏

*حاسة انهم مش بيستمتعو بالقعده معاكي و انهم ممكن يكونو بيخافو يتكلمو معاكي ..😟
  امتي الطفل بيبطل  يحكي و يعبر عن مشاعره و مشاكله  ؟!🤔

بنتك بعدت عنك و مش بتحكيلك عن مشاكلها أو مشاعرها..ازاى اسمع ابنى


 اذا كان رد فعل المربي 👇 :
– انك تسمعيه و مركزة في حاجة تانية فليكن الموبايل ..📱
– انك تستجوبيه و تديله نصايح  “ليه تعمل كده ، عشان مسمعتش كلامي ؛المفروض كنت تعمل كده🙄
او تقولي” الموضوع مش مستاهل كل ده..” و تقفلي علي الموضوع ..😕

احساس الطفل بيكون:👇

* الاحباط الشديد ؛ انه بيكلمك في حاجة مهمة و انتي مش مركزة و مفهماه انك مركزة معاه، ده بيحسسه بعدم وجوده و بعدم أهميته
– صعب انه يفكر او يعبر عن نفسه و انتي بتستجوبيه ؛ ده بيحطه تحت ضغط أكبر انه يشرح شعوره و انك ممكن متفهمهوش🙄

بنتك بعدت عنك و مش بتحكيلك عن مشاكلها أو مشاعرها..ازاى اسمع ابنى


* كثرة النصايح و المحاضرات بيخلي الطفل يبطل يسمع و معندوش استعداد يكلم😶 ..

– اذا الطفل حس انك مش حاسة بحجم الموضوع و مستهيفاه أو انك تحاولي تخليه ميحسش بالزعل ؛ ده بيخليه يزعل اكثر ، هو محتاجك تقبلي شعوره و تحسي بيه عشان يسمعك…

*خطوات عمليه *

-حاولي تسيبي كل اللي في ايدك مهما كان مهم و انتبهي مع الطفل ؛ اكيد هو اهم 😉، حتي إذا انتبهتي معاه و حسيتي الموضوع هيطول قوليله ده موضوع مهم اوي ايه رايك نتكلم فيه في وقتنا الخاص( اللي بتقعدوه تكمله فيه لوحدكو بعيد عن أي حاجة)..👩‍👦

– اذا بيحكي مشكلة حاولي تسمعيه بدون مقاطعة🙊، اسمعيه باهتمام، خليه يطلع كل مشاعره و أفكاره و هو هتلاقيه بيطلع حلول لنفسه بلاش تديله في ردود فعل مبالغة فيها عشان توريه انك مهتمة ؛ هما بيحسو بصدق المشاعر..

بنتك بعدت عنك و مش بتحكيلك عن مشاكلها أو مشاعرها..ازاى اسمع ابنى


– عرفيه مشاعره “انت حاسس بالخوف ، او حاسس بالزعل عشان حصلك كذا ؛انا عارفة و فاهمة احساسك، انا حاسة بيك؛ ده بيهدي الطفل و يريحه و يخليه يطمن انه يحكيلك ..😌

–  اذا نفسه في حاجة و مش هتعرفي تعمليها اديله امنياته في الخيال ” انت تتمني يكون عندنا قصر مليان شكولاتة تغرق فيها 

– جربي تكتبي اللي نفسه فيه في ورقة و تسميها ورقة الامنيات، من غير ما توعديه انك تحققيها بس أحساسه انك مش بس عارفة هو عايز ايه دانتي اهتميتي و كتبتيها..  😍

بنتك بعدت عنك و مش بتحكيلك عن مشاكلها أو مشاعرها..ازاى اسمع ابنى


* اهم حاجة انك مش بس تبيني له الاهتمام ؛ *الاهم* انك تهتمي بجد بمشاعره و مشاكله.. مع الوقت هتعرفي احسن طريقة للتواصل ما بينكو و تعرفو تتكلموه بدون مسافات و بدون حساسية
المصدر:Enjoy Being A Parent – قَرَّةٌ عَيْنَ

أضف تعليق