تجربة شاب:30 يوم من غير سجاير

30 يوم من غير سجاير

تجربة شاب:30 يوم من غير سجاير


لو كنت اعرف ان هلاقى كل التشجيع ده كنت بطلت من زمان .. شكرا ليكم 🥰
ناس كتير طلبو اتكلم عن تجربتى فى التبطيل فهقولكم انا بطلت ازاى لعل تجربتى تساعد حد انه يبطل

بس الاول لازم تعرف حاجه عنى انا راجل بحب التدخين ومازلت وعندى كل أدوات التخدين وكنت بستخدمهم كلهم مع بعض (سجاير عديه – شيشه – فيب – بايب – مدواخ – وبلف سجاير كمان) ومع ان الدخان بيتعبنى جدا وحكه طول اليل ولو جريت 5 دقايق كان صدرى بيولع نار ومبقاش عارف اخد نفسى بس برضه بشرب عشان بحب أدخن.مفيش حجه تخليك متبطلش غير انك مش عاوز تبطل وانت عارف الكلام ده

تجربة شاب:30 يوم من غير سجاير


بس انا بطلت وانا بصحتى قبل ما يحصلى مصيبه تخليني ابطل غصب عنى وممكن ساعتها الوقت يكون فات ومعرفش ابطل
اول خطوه لازم تعملها انك تبقى عاوز تبطل وعارف انك هتتعب فى الاول وهتقاوم رغبتك انك تشرب سجارة

تانى خطوة اطلب من ربنا يساعدك عشان لوحدك انت ضعيف وخصوصا قدام عاده بتحب تعملها
ممكن تستخدم فيب يساعدك فى الأوقات اللى لازم فيها تشرب سجاره زى السجاره بتاعت الصبح او السجاره اللى بعد الاكل
لو استخدمت فيب متخلهوش بديل عن السجاير احنا متفقين من الاول انك هتبطل واستخدمه بس فى الاوقات اللى ممكن تضعف فيها ومع الوقت هتقلل شربك منه وممكن بعد اسبوعين او 3 اسابيع تمنع نفسك عنه خالص خصوصا ان احتياجك للسجاره تقريبا هيختفى

تجربة شاب:30 يوم من غير سجاير


حط لنفسك اهداف قريبه المدى يعنى مثلا (10 ايام بدون تدخين – 20 يوم بدون تدخين) ولما توصل ل 30 يوم اعمل بوست زى ده عشان نشجعك 👏👏

لو قدرت تبعد فى الفتره الاولى من التبطيل عن اى حد بيدخن ابعد عشان متضعفش
فاضل كده انك تقاوم دماغك عشان هتفضل تزن عليك وتزاولك بس احنا متفقين انك هتبطل
مفيش حاجه اسمها تقليل وسجاره واحده فى اليوم عمرك ماهتبطل
اللب والبان واى سناكس مش هتلهيك عن السجاير كل دول اشتغالات

تجربة شاب:30 يوم من غير سجاير


واخيراً مش هتبطل عشان مراتك او خطبتك او اهلك بيزنو عليك وبينصحكوك عشان دي عاده بتعملها لوحد وهتبطلها لوحدك
مبسوط ان في ناس كتير اتفاعلت وكتبو تجربتهم مع التبطيل وياريت لو قدرنا نشجع بعض عشان نخلص من العادة السيئه دي
فعلو الهاشتاج ده عندكم #الحياة_انضف_بدون_تدخين

أضف تعليق