تحديد الجمهورالصح هو مفتاحك لنجاحك فى السوق

 تحديد الجمهورالصح هو مفتاحك لنجاحك فى السوق


 تحدد الجمهورالصح هو مفتاحك لنجاحك فى السوق


النهاردة هنكمل مع بعض ازاي نحدد الجمهور المستهدف اللي عرفنا اد اية الخطوة دي بتفرق في العملية التسويقية بشكل كبير و بالاخص في البرامج التسويقية.

توقفنا في المقال اللي فات :3 خطوات تحدد بيهم جمهورك المستهدف(للمبتدئين)
 ده العنصر الأول في المعادلة و هو   market segmentation – تقسيم السوق ( تجزئة السوق )و عرفنا انها خطوة اولي لها عوامل تتحكم فيها:Geographic segmentation …Demographic segmentation..
Psychographic segmentation..Behavioural segmentation

تقدر تعرف اكتر عنهم باستفاضة و امثلة عملية من هنا : ازاي تكسب العميل و يبقى هو اللي عاوزاك و بيجري وراك (1)

 تحدد الجمهورالصح هو مفتاحك لنجاحك فى السوق



طبعا انت بتقول دلوقتي ايوة انا كصاحب شركة او مؤسسة او في دماغي مشروع هعملة هتستفيد ازاي من فكرة  تقسيم ” تجزئة” السوق .اقولك انا.. فية حرب شرسة بينك و بين المنافسين ع السوق ، فصعب انك تقدر تنافس في كل قطاعاتة .لانك سعتها محتاج موارد و برامج تسويقية مختلفة لكل قطاع في السوق بشكل مختلف ، فهنا اللعبة انك تلاقي ثغرة في قطاع معين  في السوق تقدر انت تستغلها .وفي نفس الوقت انت كل ما تختار سوق معين او قطاع معين انت هتقدر تعرف احتياجاتة كويس جدا و تعرف ازاي تشبعها .امممم ، انا كدة فهمت  طب اية بقى تاني خطوة بعد ما تم تقسيم السوق ؟


 تحدد الجمهورالصح هو مفتاحك لنجاحك فى السوق




الخطوة الثانية   targeting- الاستهداف
وفي الخطوة دي الشركات و المؤسسات بتحدد و بتختار اني شريحة هتشتغل لجذبها لشراء المنتجات او الخدمات اللي بتعرضها .
طب اية العوامل اللي بتخليني اختار فئة او شريحة علي حساب التانية ؟

-حجم الشريحة او بمعني ابسط عدد الناس اللي في الشريحة علشان تعرف هتكسب منهم اد اية ، ودة ميمنعش ان فية شرائح صغيرة و يكسب منها .ودة ينقلنا لعامل تاني و هو البيئة المحيطة بالشريحة من موردين و موزعين و سهولة النقل و منافذ البيع دول بيحددوا نجاحك من فشلك في وصولك للشريحة .تعالي بشكل سريع نتكلم عن  اشهر أنواع الأستهدفات ، علشان تعرف اني  انسب نوع للبيزنس بتاعك .

-mass marketing:وهنا انا بقدم منتج او خدمة بستهدف بيها الكل بنفس الشكل بنفس الخصائص بنفس كل حاجة .( مثال العربيات اول ما اخترعت كانت نفس الشكل بتباع في كل حتة من غير أي تغيير في أي حاجة )

-differentiated marketing:هنا بتقدم خدمات او منتجات لفئات مختلفة باشكال و خصائص تناسب كل فئة فيهم.( مثال  الشركات اللي بتقدم منتجات المكيب اب للسيدات ، فلكل شريحة من الفئة دي لية خصائص و أسلوب معين في المنتج ونوعة و طريقة عرضة و هكذا )

-niche marketing:وهنا الشركة بتقدم منتجاتها و خدامتها لشريحة بعينها  و بتخصص كل الموارد ليها .مثال شركة ابل.حاسس بيك ، عارف انك بتسأل نفسك اية الفرق بين ال segmentation  و بين ال targeting ؟لا طبعا هو فية فرق و هما خطوتين مختلفتين ، 
الاولي هيا تقسيم السوق الي شرائح ينفع انك تشتغل معاها ،
التانية هي انك تختار الأنسب ليك  من الشرائح دي و تبدء تفكر في البرامج التسويقية اللي هتشتغل عليها .

 تحدد الجمهورالصح هو مفتاحك لنجاحك فى السوق



ودلوقتي وصلنا للخطوة الثالثة والأهم بالنسبة للمعادلة  positioning
الخطوة الثالثة:يعني ببساطة ازاي تبني صورة ذهنية في دماغ العميل يفتكرك بيها وتفضل شغال معاه عليها .يعني لما نقول عاوز اشتري سيارة فانت لو بتفكر في الرفاهية و الفخامة  هيجي في دماغك مرسيدس  ، لو بتفكر في عربية درجة الأمان عالية سعتها هتبقى فولفو اختيارك  وهكذا .

لازم طبعا الصورة الذهنية  تكون مناسبة لاحتياجات الشريحة اللي انت مستهدفها ودة طبعا مش هتعرفها غير لو عامل بحوث تسويقية علي السوق بتاعك تقدر تعرف اكتر من هنا :  ازاي تكسب العميل و يبقى هو اللي عاوزاك و بيجري وراك (1)

واحنا شغالين علي استراتيجيات ال positioning بنقدر نخرج بعدة اتجاهات منها
1- The More for More 
2- The Same Price for More Value
3-  Less Price for More Value
4- More Price for The Same Value
طب افهم من كدا الpositioning   عبارة عن حالة  معبرة بتظهرها للعميل وترسخها في دماغة.بالظبط .ودا يووصلنا positioning statement :ودي مرتبطة بالمنتج او الخدمة اللي بتقدمها و انك عاوز تخلي العميل يلاقي حل مشكلتة عندك ، اية القيمة اللي هتبان للعملاء،

 تحدد الجمهورالصح هو مفتاحك لنجاحك فى السوق



وازاي انت حاطط عوامل جذب تهم جمهورك ، لازم تظهر القيمة اللي تميزك ع المنافسين و تبقى دي اولوياتك مع جمهورك علشان يحسوا باختلاف ،لو بتوعد العميل بحاجة خليك متاكد انك تقدر تنفذها .يعني اللي فهمتة اننا بنطلع من كل دة بحاجة عاوزين ندخلها جوة عقل العميل ،وبكدة يبقى احنا قسمنا الجمهور و نختار الشريحة اللي تناسبنا وعملنا صورة ذهنية تميزنا عندهم .

اكتبلي اية اكتر شركة بتحبها و اية اكتر حاجة بتفتكرها بيها .

المصدر: Adel Shoaib

أضف تعليق