تعرفوا علي وصفة حلوي الاكلير الذيذة

وصفة حلوي الاكلير


ازيكم حبايبي 
عاملين ايه يارب تكونو بخير وصحه وراحه بال
وصفتي النهارده ناعمه  اوي وجميله اوي وبتدوب في البوء اوي وانا بحبها اوي اوي ويالا نقول الطريقه بسرعه اوي الاكلير



المقادير :

  • كوباية مايه
  • 2معلقة سكر
  •  نص كوب زبده او سمنه
  • كوب وربع دقيق 
  • رشة ملح4بيضات

الحشو

  • 1كوب كريمه باسترى
  • 2 كوب لبن مثلج او كوب لبن
  • كوب مايه اللى تحبيه بس لازم يكون مثلج
  • شوكولاته سايحه للتزين

الطريقة:

على النار تحطى المايه والسمنه او الزبده والسكر ورشة الملح واول مايغلو تنزلى بالدقيق وتطفى النار وتقلبى بسرعة كويس جدا لحد ماالعجينه تبقى لينه وحلوه زيك كده وتسبيها تبرد وتضيفى البيض والفانيليا وتعجنى بأيدك او بالمضرب الكهرباء وبعدين تقطعى بالكيس الحلوانى او قمع وترصى فى صنيه مدهونه ويكون الفرن سخن على 180


وتحطيها على الشبكه في النص وسبيها تستوى ولو من تحت احمرت شغلى الشوايه وشه يحمر وتطلعيه يبرد وتكونى مجهزه الكريمه تحطى بودر الكريمه على المايه المثلجه وتضربى بالمضرب لحد مايبقى كريمى معاكى وبعدين تحشى بيها الاكلير وتزوقيه بقا زي ما تحبي ممكن بالشوكولاته الغامقه وممكن بالشكولاته البيضا زي ما انا عامله ووممكن كراميل. زي ما تحبي بقا


المصدر :شيف نجلاء فتحى

أضف تعليق