تعرفى على اسباب منع ألبان الأبقار والجاموس قبل السنة للطفل لرضيع

 اسباب منع ألبان الأبقار والجاموس قبل السنة للطفل الرضيع

تعرفى على اسباب منع ألبان الأبقار والجاموس قبل السنة للطفل لرضيع

أكيد مش غلاسة يعني و لا الدكاترة عايزين يكلفوا الأهالي …و كل حاجة و ليها سبب و الموضوع دا بالذات ليه أسباب كتير تعالوا بينا نعرفها 

– لبن الأبقار أو الجاموس بيحتوي على نسبة كبيرة من البروتين اللي إسمه الكازيين اللي بيصعب هضمه في معدة الطفل وبيسبب نزول دم في البراز …كمان ممكن يضر الكلى …و ساعات الجهاز المناعي للطفل بيتعامل معاه على إنه جسم غريب و دا بيؤدي لظهور أعراض حساسية الألبان اللي بتتمثل في صعوبة في التنفس وقيئ وطفح جلدي و إسهال مزمن .

تعرفى على اسباب منع ألبان الأبقار والجاموس قبل السنة للطفل لرضيع


– لبن الأبقار أو الجاموس بيحتوي على سكر إسمه سكر اللاكتوز لا يهضم تماما بإنزيمات المعدة الموجودة عند البِيبي واللي مجهزة بس عشان تهضم سكر اللاكتوز بتاع لبن الأُم أو الحليب الصناعي لإنهم بيعملوه شبه لبن الأُم..
وعشان كده بيفضل يتراكم جوا بطن البِيبي ف البكتريا النافعه اللي د اخل بطن البِيبي تحاول تكسره ف تطلعلنا مادتين إسمهم هيدروجين و لاكتيك أسيد و دول بيسببوا أعراض حساسية اللاكتوز اللي هي إسهال و طفح في منطقة الحفاضة
وتقلصات و. غازات .

تعرفى على اسباب منع ألبان الأبقار والجاموس قبل السنة للطفل لرضيع


– لبن الأبقار و الجاموس بيحتوي على نسبة عالية من الصوديوم و البوتاسيوم واللي بيسبب اسهال هو كمان و طفح في الوجه.
– لبن الأبقار والجاموس فيهم نسبة الحديد و فيتامين C و فيتامين E و الدهون أساسية قليلة جداً و اللي بيعرَّض الطفل للأنيميا و تراجع نسبة الذكاء كمان .
– لبن البقر والجاموس ممكن يسبب حساسية و التهابات متكررة للأذن .
نقول كمان والا كفايه …أظن كفاية
سؤال: إشمعنى بعد السنة ممكن نستخدمه ؟؟!!
لإن بعد السنه المعدة بتبقى مستعدة تهضم مكونات النوع دا من لألبان و مش بيتكون بالتالي المواد المضرة اللي ممكن تعمل أعراض الحساسية و التقلصات.
سؤال تاني: طيب لو حصل منه حساسية بعد السنة( لبن الأبقار و الجاموس) كمان كده هتفضل طول العمر؟؟
معظم الحالات اللي من النوع دا بتتحسن عند سن ٤ : ٥ سنوات …
دُمْتُم ساالمين

 المصدر: Dr.Ashraf kasem د.أشرف قاسم

أضف تعليق