تعرفى على العصبية وتغييرها وعلاجها

العصبية وتغييرها وعلاجها 



*هناك نظامان لعمل العقل البشري

نظام يسمي النظام رقم ١(وهو الحجات اللي متعودين نعملها بسهولة ومن غير ما نتعب ويستهلك القليل من الطاقة…مثلا انت متعودة علي عمل نشاط معين بسهولة ….ده كده تحت سيطرة النظام ١)



نظام يسمي النظام رقم ٢(الحجات اللي بنعملها بطاقة ومجهود….لانها مش سهلة علينا..حاجة يحتاج منك مجهود زي ١٧×٢٤…عملية الضرب دي محتاجة مجهود )



لما بتكوني ام عصبية بتكون العصبية داخل سيطرة النظام ١ …يعني بتمارسي  امومتك بعصبية مش بتطيقي الغلطات…لما اتبدئي  تقراي في التربية بتحسي انك عاوزة تبقي مش عصبية  بتبدئي تحاولي انك تهدي وتحسب ان الامر مش سهل فتنهاري….  وتحسب انك فاشلة ووحشة …رغم أن انتقالك من النظام ١ اللي انت بتعمليه بسهولة الي النظام ٢ اللي محتاج مجهود مش سهل …ومحتاج صبر…



يبقي احنا متفقين مبدئيا ان احنا محتاجين صبر عشان نبقي عاديين….طيب



اي الأفكار الكامنة وراء عدم الهدوء؟

١-رفض فكرة الخطأ لدي الطفل ….انت من جواكي عاوزاه مثالي مش عاوزة غلطات وده أمر مش متوافق مع عملية التربية…..الطفل لازم يغلط مرار وتكرارا)

٢-اسقاط الضغوط الحياتية علي الأبناء وهو أمر شائع  لكن الحقيقة مكلف جدا جدا جدا جدا جدا جدا جدا اكتر من انك تعملي اخراج للضغوط علي اي حد تاني عارفة ليه لان ابنك هيدفعك التمن تعب نفسي لو استمريت في اخراج ضغوطك فيه  )

٣-الرغبة في النجاح السريع في التحول من ام عصبية لام هادية وهو أمر يحتاج الي وقت



طيب ممكن تقرا اي

١ كتابي الذكاء العاطفي في التربية

٢ كتاب التفكير السريع والبطىء

٣ كتابي الذكاء التربوي

كل ما فهمنا

كل م هدانا



تعالي نشوف مثال

ابنك عمل غلط…

النظام اللي انت متعودة عليه بيقول صرخي

وزعقي

طيب …والتمن؟اعصابك….وعلاقتك به

طيب ما تتنقل للنظام ٢ المتعب نفهمه غلطه ولو ١٠٠ مرة عشان منخسروش….

نتعلم نقرا

ندعو الله من قلوبنا ….

طيب مثال تاني

انصدمت في حاجة

قمت مزعقة اولادك ليه

؟

ذنبهم اي؟

انا متضايقة

الزعيق خلص ضيقك؟؟؟؟

لا زوده..يبقي بلاش كده

تعالي تضبط اعصابنا..نفكر..ندعو

بارك الله فيك وفي عمرك وعملك 

 المصدر:د ايناس فوزي مركز ايناس و الأطفال

أضف تعليق