تعرفى على خصائص وسمات كل مرحلة بيمر بيها طفلك(3)

سوف نتناول اليوم فى موقعكم المفضل يفيدك عن خصائص وسمات كل مرحلة بيمر بيها طفلك(3) نتمنى أن تلقى اعجابكم بأذن الله





علشان نقدر نربي ولادنا صح يبقي لازم نفهم خصائص وسمات كل مرحلة بيمر بيها الطفل علشان لا نحمله فوق طاقته ونطالبه او ننتظر منه حاجة مش مناسبة لسنه او نتساهل معاه  وتوقعاتنا تبقي دون المستوي ونعمل منه شخص اعتمادي وكسول ،وكمان نعرف لو في تأخر في أي جانب من جوانب النمو الطبيعية والتدخل يبقي اسرع واسهل.



*مرحلة الطفولة المتأخرة من ٩ : ١٢ سنة



بيحصل فيها بطء معدل النمو بالمقارنة بالمراحل اللي قبلها وبيزيد التمايز والإختلاف بين البنات والأولاد ..بتبقي البنات أقوي من الاولاد بنسبة بسيطة وبتظهر عليها علامات التغير الجنسية الثانوية والبلوغ قبلهم والبنت بتبدأ تميل لأمها وتقلدها والولد يميل لأبوه ويقلده .


بيحصل فيها نمو في الذكاء وإستخدام الحواس (يقدر يفتكر ٦ أرقام متتالية ) وزيادة القدرة علي الإبداع  والإبتكار  وحب الإطلاع والمعرفة ونمو الإدراك للمعاني والقيم زي الصدق ،الكذب، الأمانة، الحرية ،الحياة،الموت …إلخ


بيزيد فيها النشاط الحركي وزيادة القوة والطاقة وصعب جدا ان الطفل يقعد ساكن او ساكت من غير أي نشاط لكن يعرف يتحكم في انفعلاته ويتعامل مع المشاعر السلبية زي الخوف ،القلق،التوتر والشعور بالإحباط  لكنه بيبقي في حالة ترقب لمدي قبوله من اللي حواليه و دا بيفرق في ثقته في نفسه .



بيزيد فيها نضج العضلات الدقيقة ودا يسمح بإتقان الكتابة والرسم بتفاصيل اقرب للواقع وإتقان الأعمال اليدوية .


بيحب الإستقلالية ويقدر يجهز الاكل لنفسه ويختار و يشتري إحتياجاته ويبقي مؤهل كمان لرعاية اطفال اصغر منه لكنه بيتضايق من الأوامر والنواهي ومابيحبش الروتين .



مرحلة بيظهر فيها جدا تأثير البيئة الثقافية والإجتماعية والإقتصادية في نشاطه وطريقة كلامه وتصرفاته .


المصدر:فن التربية الإيجابية – Dina Saad

أضف تعليق