تعرفى على خصائص وسمات كل مرحلة بيمر بيها طفلك(2)

سوف نتناول اليوم فى موقعكم المفضل يفيدك عن خصائص وسمات كل مرحلة بيمر بيها طفلك(2) نتمنى أن تلقى اعجابكم بأذن الله



علشان نقدر نربي ولادنا صح يبقي لازم نفهم خصائص وسمات كل مرحلة بيمر بيها الطفل علشان لا نحمله فوق طاقته ونطالبه او ننتظر منه حاجة مش مناسبة لسنه او نتساهل معاه  وتوقعاتنا تبقي دون المستوي ونعمل منه شخص اعتمادي وكسول ،وكمان نعرف لو في تأخر في أي جانب من جوانب النمو الطبيعية والتدخل يبقي اسرع واسهل.



*خصائص عمر “٣ سنين”




_وزنه حوالي ١٤ كيلو وطوله حوالي ٩٥ سم .

_يتكلم بطلاقة ويقول جمل كاملة (يلغبط الضمائر (هو _هي ، انت _انتي ،…وهكذا) ).

_يعرف يقول إسمه كامل وجنسه .

يقدر يدخل الحمام لوحده بالنهار ويعرف يلبس لوحده ماعدا الزراير .

_سن مناسب لدخول الحضانة وتنمية المهارات والعقلية واللغوية

_يعرف يتحكم في القلم ويرسم دائرة .

يعرف يقف علي رجل واحدة وينط ويقفز من مكان لمكان .

_اسنانه بتكتمل .



*خصائص عمر  “٤سنين”




_وزنه حوالي ١٦ كيلو وطوله خوالي ١٠١.

_يعرف يعد الأرقام علي صوابعه ويعد حاجات حواليه (اقلام ،كراسي،علب ،…).

_يعرف يستخدم المقص ويفرغ الصور ويتحكم في صوابعه ويرسم دائرة ومربع .

_يعرف يغسل إيده وأسنانه كويس بالفرشاة والمعجون .

_يتقبل تعليم القراءة والكتابة والتأسيس الأكاديمي .



*خصائص عمر “٥ سنين”




_وزنه حوالي ١٨ كيلو وطوله ١٠٧ سم .

_يقدر يحكي قصة ويرتب احداثها ويطابق الصور المتشابهة ويجمع بازل .

_يعرف يركب دراجة بتلات عجلات .

_يعرف يربط الحذاء والزراير.



*خصائص عمر “٦سنين”




_وزنه حوالي ٢٠ كيلو وطوله حوالي ١١٣ سم .

ظهور المواهب والمهارات (الرسم والتشكيل بالعجائن والغناء والمهارات الحركية والرياضية ).

_يتمكن من القراءة والكتابة بالحركات القصيرة (فتحة-كسرة _ضمة )



* خصائص عمر “٧ سنين”




_وزنه حوالي ٢٢ كيلو وطوله حوالي ١١٩ سم .

_ يقدر يركب دراجة بعجلتين .

_يعتمد علي نفسه وفي لبس وخلع ملابسه و تخزينها مكانها .

_يقدر يعمل جدول مذاكرة وانجازات لانشطة اليوم لوحده ويقوم بواجباته المدرسية لكن بإشراف ومتابعة من بعيد .


المصدر:فن التربية الإيجابية – Dina Saad

أضف تعليق