تعرفى على خصائص وسمات كل مرحلة بيمر بيها طفلك(1)


سوف نتناول اليوم فى موقعكم المفضل يفيدك عن خصائص وسمات كل مرحلة بيمر بيها طفلك نتمنى أن تلقى اعجابكم بأذن الله




علشان نقدر نربي ولادنا صح يبقي لازم نفهم خصائص وسمات كل مرحلة بيمر بيها الطفل علشان لا نحمله فوق طاقته ونطالبه او ننتظر منه حاجة مش مناسبة لسنه او نتساهل معاه  وتوقعاتنا تبقي دون المستوي ونعمل منه شخص اعتمادي وكسول ،وكمان نعرف لو في تأخر في أي جانب من جوانب النمو الطبيعية والتدخل يبقي اسرع واسهل.



*خصائص عمر “سنة “




_وزنه حوالي ١١ كيلو وطوله حوالي ٧٥ سم

_يقدر يقول كلمة واحدة ليها معني زي ( ماما ، بابا ، مية ، لبن ، مم، اكل ، اشرب ،…و هكذا)

_ يقدر ينقل حاجات بسيطة من إيد لإيد ويمسك بصباعين بس .

_يقدر يقف وهو ساند علي حاجة وينقل برجله خطوة خطوة .



*خصائص عمر  “سنة و٣ شهور”




_ وزنه حوالي ١١ ونص كيلو وطوله حوالي ٧٨ سم .

_يقدر يعرف اجزاء جسمه بالمشاورة عليها ويشاور (باي باي) .

_يقدر يشرب من الكوباية .

_يقدر يمشي لوحده. ويوطي يجيب حاجة من علي الأرض .



* خصائص عمر ” سنة ونص”




_وزنه حوالي ١١,7 كيلو وطوله ٨١ سم .

_ يقدر ياكل بالمعلقة ويمشي كويس بتوازن ويجري بسيط بهرولة ويلعب بالألعاب البسيطة زي المعكبات ويبنيها فوق بعض .

_يعرف يطلع السلم علي إيده ورجله .

_يعرف يمسك القلم يشخبط بيه .



*خصائص عمر ” سنتين “




_وزنه حوالي ١٢ كيلو وطوله حوالي ٨٩ سم .

_ يقدر يقول جملة من كلمتين (بابا جه ، اشرب مية ، اكل مم ،…وهكذا)

_ يعرف أسماء اعضاءه ويقدر يدخل الحمام وسن مناسب للتديب علي خلع الحفاضة .

_ يقدر يفتح باب وينط من مكان لمكان .



*خصائص عمر “سنتين ونص “




– وزنه حوالي ١٣ كيلو وطوله ٩٢ سم .

_يقدر يكون جملة من ٣ كلمات (عاوز اكل ماما ..بابا افتح باب ، وهكذا)

_ يقدر ياكل بالمعلقة والشوكة .

_ يقدر يجمع الألعاب ويرجعها مكانها .

_يعرف يقلد الاصوات .

_ يعرف وظيفة الحاجات والاجهزة .

_يقدر يطلع سلم بخطوات متتالية .

المصدر:فن التربية الإيجابية – Dina Saad

أضف تعليق