تعرفى على دورة حياة الطفل مع المربي العصبي

كلام مهم للمربي العصبي💔


 حبيباتي تربية الطفل بالتخويف والعصبية ….فعلا بتغير حجات في مخه….بلاش نتسربع….

ونستعجل  …ونبقي عاوزين استجابة سريعة….

ياريت نعرف ان اساليبنا الغلط هتدفع تمنها اجيال من الاحفاد…

 بلاش نبقي عاملنا ولادنا بعصبية والاجيال اللي بعدينا تدعي علينا…..



تعالوا نحسبها بهدوء….النفس السوية اهم حاجة (قد افلح من زكاها)

لو انتي ولادك مبيسمعوش كلامك غير بالزعيق يبقي انتي حارماهم من حاجة مهمة….الاحترام…اتعودوا يتهانوا عشان يؤدودا ما عليهم انتي متخيلة الكارثة؟ ؟ يبقي لازم توقفي اهانة طبعا مش هيسمعوا الكلام طيب اعمل ايه اصبر شوية لاني انا الغلطانة…انا اللي عودتهم علي الاستجابة الاهانة وتحت الضغط مني/هاصبر مفيش حاجة هتتعمل مش مهم بس العقل هيبدأ يهدأ….



ابدأ اقدم محبة ورصيد  حوار حضن استيعاب نقاش ممكن ادخل مدرس ثقة او دكتور لو احتجت ….

بعدها الابن هيبدأ يستحيب بلا اهانة….ويبدأ يتغير بجد ….من فضلكم ….

العصبية علي الابن تؤدي الي لخبطة هرمونية في الكورتيزون الطبيعي بتاعه…..

ارجوووكم نراعي ان احنا غلطنا ونصبر ونتراجع …النفس السوية اهم من الخناق علي المذاكرة والرياضة …النفس السوية هتتعلم.وهتمارس الرياضة…ارجوووكي كوني من الذاكرين الله في التربية ومتدمريش الاجيال اللي بعدك

خدي قرار الامر مش صعب وكفاية انك هتبرئي ذمتك امام الله





اقل المربين هيبة…المربي العصبي…..

دورة حياة الطفل معه كالتالي



1 )في بداية حياته بيترعب منه ويسمع كلامه….تقريبا لحد سن 7او 8 سنوات



2(بعد كده بيسمع كلامه وهو مش مرعوووب منه بس اتقاء لشره لحد 11 او 12 سنة



3 )لا يسمع كلامه ويبدأ في التمرد عليه ويعانده و يتجاهل اوامره…او يخالفه لمجردالمخالفة #ينهار المربي العصبي …

الولد جري له ايه او البنت مالها؟؟اكيد المراهقة!



يزيد المربي العصبي من عقوباته ويحرم من الخروج او الموبايل لا تزداد الامور الا سوءا.

الطفل ولا يهمه ولا يتغير معك



4 )تبدأ مرحلة من العداوة بين الطفل والمربي ربما تستمر الي حين التخرج من الجامعة ان لم يعدل المربي من نفسه

5 )يكبر الابن ويتذكر بر الوالدين #لا يسامح المربي تماما وانما يبدأ يبره ولو من بعيد لبعيد…ويظل يذكره بالسوء والحزن الدفين …



ملحوظة:ده الشائع ولكن فيه اطفال تنكسر في الطريق وتمرض نفسيا او تكون منكسرة الشخصية حتي النهاية مزعزعة الثقة امام المربي ….#السؤال للمربي العصبي ممكن تقف وقفة مع نفسك ؟؟خد كورس عن العصبية♡



اهم شئ راجع اوامر نبيك صلي الله عليه وسلم  حين الغضب ♡اقرأ كتابا في علم الذكاء العاطفي

 ■لو حاولت ربنا هيوفقك والعيال هتعذرك♡ده حتي لو استعنت بطبيب نفسي. …افضل من الاستمرار في الطريق الحالك ده خسارة دنيوية وأخروية…

 المصدر:د ايناس فوزي مركز ايناس و الأطفال

أضف تعليق