تعرفى على سلوك اللوم مع الابناء ..وايه هى النتيجة !!

 سلوك اللوم مع الابناء ..وايه هى النتيجة !!




 ركزوا معايا اللوم هو ايه ؟؟


 اللوم اسلوب اشعر من خلاله الابن انه قد اخطأ بهدف عدم تكرار الخطأ…؛ طيب…كيف يتلقي العقل اللوم؟؟؟

اللوم عادة يحتوي علي جمل سلبية مثل شفت ،؛ مش قلت لك؟:؛ عشان تبقي تسمع الكلام….انت دايما كده…ورطت نفسك…..الي اخر هذه العبارات….



طيب ما مسار اللوم داخل عقل الابن ؟؟

اللوم مساره مسار الفيروس الغريب…قد تنهار امامه المناعة مبدئيا =الابن يزعل او يبكي او يتأسف…..#لكن مع استمراره تتكون ضده اجسام مضادة التي هي (مكنش قصدي) او (خلاص بقه) او (انا دايما غلط عارف)#ومع المزيد يتبلد الانسان تجاه اللوم ولا يتأثر به اصلا…ولومك المستمر يجعل الابن عافي نفسه من ضميره ما انت بتلومه اهوه هيلوم نفسه ليه؟؟؟

طيب والحل؟#الابناء يخطئون ولابد من حل ….نحن نلوم من اجل المصلحة وليس بهدف التبكيت…..



الحل ليس حلا مباشرا =الحل فيه لفة من بعيد ؟؟ يعني ايه؟؟



1*دائما كن شخصا متعاطفا وقل جملا لطيفة يوميا من جملتين الي ثلاثة مثال؛:انت اغلي شئ عندي

انت اكتر شخص انا معجب به….

انت عيني التي اري بها

لماذا؟؟ حتي يكون عقل ابنك في حالة سعادة واسترخاء فلا يخطئ كثيرا اصلا



2*عند الخطأ ….فكر

اهي كارثة ام امور من مجمل الحياة؟؟؟ لو امور عادية متكررة حدث ابنك برفق (انا عارف انه مش قصدك…انا عارف انك نفسك تعمل احسن حاجة…..)

لا تكثر من لومه وانما قل له فكر هل اخطأت ام لا. …ان اخطأت فالله غفور …حسسه ان الدنيا سهلة متعقدوش لان المتعقد كسلان جدا….



3*استبدل اللوم….بجملة (انا واثق انك هتخلي بالك بعد كده ان شاء الله تعالى)

مع الطفل محب التلامس#محب الاحضان  الله يبارك لك الطفل ده تحديدا بلاش تؤمره كتير لفظيا بل قم معه لاداء الشئ ..لحد سن 6 او 7 قم معه وكف عن الاوامر الملفوظة….صدقني ده مش هيخليه اتكالي اطلاقا بل سيضعك في مكان راق جدا عنده….



4*الابن لو نقص درجات فقلت له بتعاطف
انا واثق انك هتبقي افضل…هيكون ان شاء الله افضل

 المصدر:د ايناس فوزي مركز ايناس و الأطفال

أضف تعليق