تعرفى على طبيعة طفلك من 2 الى 7 سنيين


سوف نتناول اليوم فى موقعكم المفضل يفيدك عن تعرفى على طبيعة طفلك من 2 الى 7 سنيين نتمنى أن تلقى اعجابكم بأذن الله




امهات من 2 الي 7 اجمع




كان يا ما كان فيه طفل سنه أكبر من 2 واقل من 7..بس مامته الجميلة مكانتش عارفة تتعامل معاه عشان هي مش عارفة حقائق كتير عن السن ده…تعالوا بهدوء كده نشوف  نمو الطفل ده…نبدأ بالنمو العقلي=عقله مدرك لايه ومش مدرك لايه



اول حاجة هو متمركز حوالين ذاته=مركز مع نفسه اوي ومش بيهتم بوجهات نظر الاخرين



ثاني حاجة بيدرك المحسوسات يعني عندك كم سنة يعمل بايده 3 او 4 مش بيعرف  يفهمنا الا باننا نؤدي حركة تسهل عليه الفهم…



ثالث حاجة بيلعب لعب توهمي =بيخترع اشخاص خياليين



طيب النمو الاجتماعي =علاقته بالمجتمع



اول حاجة بيخب يلعب مع نفسه ومش بيحب يشارك لعبه مش انانية لكن عدم ادراك



ثاني حاجة بيقلد اسمها المحاكاة وده عادي جدا مش ضعف شخصيه ولا اي حاجة



ثالث حاجة بيعمل حجات بسيطة زي ربط حذائه مثلا  يجيب ماية…







طيب النمو الانفعالي ؟ ؟



اول حاجة  متطرف في انفعالاته بيفرح اوي ويزعل اوي



ثاني حاجة معندوش ضمير🙄🙄🙄قصدي لسة الضمير متكونش واصلا بيبدأ يتكون علي نهاية العام الرابع…يعني هو مش حرامي ولا نصاب ولا كداب هو لسة مش مكتمل الادراك ……



ثالث حاجة متقلب شوية…



يبقي يا حبيتي  انتي وهي الامهات القمرات …نركز شوية بلاش ندمر ولادنا ونفهمهم غلط



عدم رغبته في المشاركة عادي لانه بيحب اللعب الفردي



اخده لاشياء متخصوش عدم ادراك



روايته للحقيقة مزيفة عدم نمو



وكمان هو مش قاصد يطنشك هو مش مستوعب غير وجهة نظر نفسه….يبقي مينفعش اتفق معاه…لانه مبيعرفش يتفق



الله!!!



يعني نسيبهم؟ ؟ ؟



انا مقلتش سيبوهم



انا قلت انها ظواهر عادية اتعاملوا معها بهدوء ونفهمهم مليون مرة لحد ما الفهم يكتمل مع بلوغ السنة السابعة ده مش كلامي ده كلام بياجيه العالم النغسي المعروف …



لكن لو عاقبتوهم هيكرهوكم…وهيتعقدوا…واما يكبروا مش هيتعلموا حاجة….



يبقي مفيش عقاب ….لانه مش مكتمل الادراك ومهما قلتي له لسة مش مكتمل الادراك….



اللهم قد بلغت …اللهم فاشهد….



تعالوا الامهات لاطفال من سن 2 الي 7 نتخيل اللي بيدور في عقل الطفل….وردودك عليه 😊:::



■●اول موقف     الطفل رايح ناحية الموبايل    وانت بتحذريه….



يبص لك ويروح تاني…تتجنني منه..، ، ، ، ،



                     🙄دماغ الام بتقول::::عنيد مجرم قليل الادب



دماغ الطفل ~~~مالها الست دي؟ ؟ ؟ ايه ليه كل ما اروح اتعلم تعلي صوتها هل هي مصابة بمغص ….!!!!



■■■♤■■■■♤♤♤■■♤♤♤♤♤♤♤♤



تاني موقف  الطفل رايح ناحية الفيشة



انتي تصوتي كخ نوووتي ….



الطفل لايدرك ما الذي اصابك ويستمر في التوجه…



تتجنني وتضربيه…



عقل الام بيقول يارب استر ابني عنيد …



عقل الطفل بيقول كل ما اروح اتعلم يجيلها مغص، ، ،



■♤□●■♤♡♡◇◇♧♧♧♧♧♧◇♤■■□●



تالت موقف الطفل بيلعب بلعبه ومش عاوز يشترك مع حد



الام ؛يا اناني شارك..اخوك..



الطفل يبكي ويرفض



عقل الام بيقول اناني زي عمته



عقل الطفل عاوزة تاخد حاجتي ليه؟ ؟



■♤♡◇♧♧♧♧♡■■□□■♤♡◇◇♧♧♧♧



رابع موقف الطفل بيروح عند الزيت  والسمنة…والملح ويدلق



الام تنهره



الطفل مالها الست دي مش عاوزة حاجة خالص°°°°°



الام ابني مخرب !!!



◇♡♤■□●□■♡◇♧♧♧◇♡♤■□□□●●



خامس موقف الام رايحة عند تيتة



تتفق مع الطفل اما نروح عند تيتة تقعد مؤدب يا نور عيني عشان اجيب لك شيبسي ولا اقولك كاطة=شيكولاتة



الطفل يهز رأسه وعقله يقول احنا رايحين عند تيتة وهيجيلي كاطة .”..هو ده بس اللي فهمه ع فكرة “



يروح ميفكرش في الاتفاق اساسا…



الام تنهار خلف وعده…



والطفل يتساءل مين خلف مين وعده!!!!!!



♡◇♡♤■♡◇♡■□♤♡■■□□□□□●●



يا حبيباتي اللي عاوزة طفل سوي ارجوكم….تعامله بما يناسب سنه انا باقووووول اهو…



مش نترك التوجيه



لكن نترك الزعيق



والعصبية والاتهامات …ونعامل الطفل بهدوووء..واليكم الحلول الصحيحة 😊😊زي اللي في اخر المعاصر كده…😊ده كتاب خارجي، ،؛؛



موقف 1اشيل الموبايل ابعده ومهما راح له الطفل اكرر ان ده مش لعبة دون ان انتظر استجابة يعني بتكلم وانا اللي بابعد الموبايل يعني الطفل بيسمع ومش بينفذ عااادي



موقف 2اداري الفيش بقطع اثاث….او اؤمنها….وابني تحت عيني ده دوري مش دوره…



موقف 3الطفل لا يفهم من 2 الي 7 معني المشاركة لسة بيتعلم…اكررها عليه…قد يستجيب وقد لا….عادي ..ما ازعقش انا بأعلم..



موقف 4ارفع الزيت والسمنة ..ومهما الطفل حاول لا اعتبره عنيد ولكن متعلم….



موقف 5ما اتفقش وانا رايحة عند تيتة…..لان مهارة الاتفاق متكونتش لسة واساسا ابدأ انميها في نهاية السنة الخامسة إلى السنة السابعة ومن غير زعيق ولا لوم…امال ايه …انا اللي اشغل الولاد عند مامتي اجيب لعب قص ولزق…كور ملونة جديدة..اي حاجة لكن مش مشكلته انه هو اللي يسمع كلامكم..ف الوقت ده..



ده كله باقوله عشان فعلا تاخدوا طفل سوي…في السنة السابعة…..



افهموا القدرات عشان متحملوش



 الطفل فوق طاقته…..



كمان فيه اطفال بتقتلوا عندها المبادرة بالخوف من الزعيق وبيكونوا مش فاهمين حاجة…بس ساكتين ….وده مش ادب ده قهر. ..

المصدر:د ايناس فوزي مركز ايناس و الأطفال

أضف تعليق