تعرفى على طريقةوصفة جلاش الجبنه بطعم جديد

جلاش الجبنه بطعم جديد



المقادير 

  • لفه جلاش
  • جبنه قريش 
  • زيتون أسود
  •  بقدونس 
  • ذبده 
  •  زيت 
  • معلقتين زبادي 
  • معلقه بيكينج بودر 
  •  سمسم وحبه البركه 
  • زعتر


الطريقة


نجهز لفه جلاش وجبنه قريش وزيتون أسود وشويه بقدونس ودي الحشوه الحلوه بتاعتنا
تفرد الجلاش ونقصه علي قد الصينيه عشان يبقي مترتب كده وشكله حلو


ذبده بقي وعليها شويه زيت لدهن اوراق الجلاش
التكه الحلوه معلقتين زبادي معانا ننزلهم ف الذبده بعد ما تسيح ومعلقه بيكينج بودر هتخللي الجلاش مورق وجميل وهاش كده مش مكتوم  خالص وبين كل ورفه ندهن بالفرشه وف النص الحشو وبعدين نقفلها ونقطعها بالسكينه مثلثات 


نحط علي كل مثلث  شويه سمسم وحبه البركه وزعتر بالترتيب زي الصوره بعد ما ندهن الوش من السمن وع الفرن تدخل ووشها يتحمر بسيط وتبقي طريه برضه

ملحوظه

ممكن نسقيها بيضه ونص كوب لبن ف ماس بتحبها طريه قوي بعد السمن من فوق يا رب تعجبكوا

المصدر:Let’s Cook – يلا نطبخ

أضف تعليق