تعرفى على طريقة العيش بالعسل الابيض والشاي الاخضر وحبة البركة المميز

عيش بالعسل الابيض والشاي الاخضر وحبة البركة 


 الشاي الاخضر الياباني ماتشا من كتر ماهو مفيد بيدخلوه ف الحلويات  والمخبوزات عشان يبقي اكتر فايده ف الاكل اكتر من انه مشروب لو هو مش موجود عندنا ولا متاح نفك الشاي الاخضر العادي لا ف مصدر من مصادر العناصر الغذائيه كبير من امتنان اسمه اسبرولينا بروتين عالي جدا  مكمل غذائي وممكن نحطه ع العصير وطعمه مش باين خالص  بس بييان نتيجته ف صحتك و صحكه اولادك 

المقادير 

  • كوبايه وربع ميه 
  •  ربع كوب عسل ابيض 80جم بكوب المعيار
  • معلقة خميره تقريبا 7جم بمعلقه المعيار
  • نص كيلو دقيق اربع  كوبايات 
  •  رشه ملح نص معلقه صغيره
  •  اربع معالق كبار لبن بودره 30جم تقريبا
  •  3معالق ذبده سايحه بس مش سخنه
  •  معلقتين من شاي الاخضر او الاسبيرولينا 
  •  زيت
  •  حبه البركه 


الطريقة

هنجيب تقريبا كوبايه  وربع ميه دافيه وعليهم ربع كوب عسل ابيض 80جم بكوب المعيار
ونقلب العسل والميه يدوب ونحط عليه معلقع خميره تقريبا 7جم بمعلقه المعيار


ننخل نص كيلو دقيق اربع  كوبايات وعليهم رشه ملح نص معلقه صغيره وعليهم اربع معالق كبار لبن بودره 30جم تقريبا وتقريبا 3معالق ذبده سايحه بس مش سخنه  ونعجن كويس قوي بايدك ده عيش 


 نقسم العجينه نصين ونحط معلقتين من شاي الاخضر او الاسبيرولينا وندهن ايدنا زيت ونلمع العجينه كده ونغطيها والجزء الابيض كمان  ندهنه بايدك زيت ونغطيه كمان ساعه ونفرد الجزئين كل  واحد لوحده  ونحطهم علي بعض 


نلفها رول ونحطه ف القالب بتاع التوست الواسع ونسيبه نص ساعه يخمر تاني واول ما يعللي قوي نسخن الفرن  وندهنه بعسل ابيض وعليه معلقه ميه سخنه ونزش حبه البركه وندخله الفرن علي درجه حراره عاليه للمخبوزات نص ساعه هنلاقيه بالشكل ده وهش وطعمه معسل وكله فايده بصراحه  يا ريت تجربوه يا جماعه


المصدر:Let’s Cook – يلا نطبخ

أضف تعليق