تعرفى على طريقة المعجنات بالخضار اللذيذة

 طريقة المعجنات بالخضار اللذيذة  


المقادير 

  • خميره فوريه
  •  تلت كوب ميه 
  • معلقتين لبن دافيين
  • ومعلقه سكر
  • بيضه 
  • ربع كيلو دقيق 
  • معلقه ذبده كبيره 
  • جرجير 
  • مايونيز ومسترده 
  •  لانشون او سلامي او جبنه رومي



الطريقه

طريقتها بسيطه وانا استخدمت الجرجير لانه كان عندي وشويه زيتون وطماطم مكعبات وفلفل وشويه جبنه
هنحط معلقه خميره فوريه مع تلت كوب ميه  ومعلقتين لبن دافيين ده اهم حاجه ميبقاش سخن ولا ساقع ومعلفه سكر ونقلبهم ونسيبهم شويه


ننزل عليهم بيضه مخفوقه يعني اضربي البيضه بشوكه ونزليها وانزللي بربع كيلو دقيق واعجني احتاجتي دقيق حطس حسب النوع لو العجينه ناشفه معاكي يبقي الدقيق زياده حطي معلقه لبن واعجني كويس اهم حاجه العحن شوفه من جوه عامله ازاي 


حطي اخيرا الحاجه اللي عمري ما هستغني عنها  وبتفرق جدا معايا معلقه ذبده كبيره وادعكيها ف العجين ولمي باي حاجه من ع الرخامه  ولما العجينه تكون لامه معاكي وطريه كده سيبها تخمر ساعه ونص وبعدين افرديها مستطيل او اي شكل وهنخط فيها جرجير ومايونيز ومسترده 


لميها وقطعيها باي شكل عشوائي  وحطيها ف الكوبايات الالومنيوم الصغننه وتسيبها متغطيه تاني هتعللي وتخمر معاكي كمان مره وتكون الفرن سخنه حطي بقي ع الوش لانشون او سلامي او جبنه رومي لو مفيش مش لازم خالص والفلفل والطماطم وشويه جبنه  ع الوش وع الفرن بتستوي ف تلت ساعه والف هنا اهي تغير عن الحاجات العاديه والولاد هيحبوها قوي وياخدوها المدرسه

المصدر:Let’s Cook – يلا نطبخ

أضف تعليق