تعرفى على طريقة بانيه سويت اند ساور اللذيذة

طريقة بانيه سويت اند ساور اللذيذة


المقادير

  • نص كيلو من صدور الفراخ مغسوله ومتقطعه مربعات
  • كوب دقيق
  • معلقه بابريكا 
  • معلقه بهارات فراخ 
  • معلقه توم بودره 
  • فلفل اسمر وملح 
  • كوب الا ربع ميه 
  • 2فلفل اخضر واحمر واحده 
  • 2بصل 
  •  اربع فصوص توم مهروس 
  •  كمبوت اناناس حطيتن شريحتين منه وده هيخليه مسكر مش عندك بلاش
  • مشروم 
  • جنزبيل بودر او فريش 
  • سكر بني ربع كوب
  • معلقتين كاتشب 
  • ربع كوب خل
  •  معلقتين نشا


الطريقه

هنجهز نص كيلو من صدور الفراخ مغسوله ومتقطعه مربعات
ونتبلهم ب كوب دقيق ومعلقه بابريكا ومعلقه بهارات فراخ ومعلقه توم بودره وفلفل اسمر وملح وكوب الا ربع ميه المهم تكون الخليط مش متماسك ممكن كوب ميه


الفراخ اللي احنا سيبناها ف التتبيله نص ساعه ممكن نحمرها ف شويه زيت لو حابينها خفيفه بلاش دي تكه
نخط جزء من التوم وعليه الجنزبيل والخضار اي كان اللي هتحطيه وننزل الاناناس اخر حاجه  ونهدي النار 


بعدين نحط جزي التوم التاني  ف سنه زيت ونقلب وننزل وعليه السكر البني ونص كوب ميه وربع كوب الخل  ومعلقتين كاتشب ونقلب وننزل نص كوب ميه وفيها مدوبين معلقتين نشا ونقلب هيتقل علطول معاكي  وننزل الفراخ  وهتستوي بعد عشر دقايق 
ليه محطناش كله مع بعضه عشان الخضار ميتحرقش مننا وييقي ليه طعم


ممكن افكار خضار تحطي بروكللي او قرنبيط مسلوق  جربوها وتقديمها وطعمها هايل
وتقديمها مع رز ابيض وترشي رشه سمسم فعلا طعمه هايل

المصدر:Let’s Cook – يلا نطبخ

أضف تعليق