تعرفى على طريقة حلوى كراميلو كيك اللذيذة

 طريقة حلوى كراميلو كيك اللذيذة 

المقادير 

  • 3بيض احمر
  • كيس كريم كراميل جاهز الاصفر
  • اربع معالق ميه دافيه
  • ربع كوب لبن مكثف او حطي زبادي 3معالق كبار
  • معلقه خل ورشه ملح
  • معلقه كبيره بيكنج بودر لو نستخدم  كيك شيف معلقه واحده ممسوحه مش الكيس كله
  • نص كوب سكر
  • نص كوب زيت
  • كوبين دقيق


الطريقه

نخفق البيض الاول مع الفانيلا ومعلقه الخل وننزل  السكر ويدوب معانا ننزل كيس الكريم كراميل ونضرب وننزل الزيت والزبادي بس اللبن المكثف بيديها قوام يجنن انا عاملاه وحطاه ف التلاجه علطول وننزل البيكنج بودر والدقيق مع بعض منخولين  


عملتها ف قوالب صغيره ومخدتش وقت كبير غير تلت ساعه القوالب المستطيله الالومنيوم وتخرج عايزه تسقيها لبن دافي اوك محللي لو مش حابه زينيها بلبن مكثف وكراميل 

كسرت بسكوت وعملته بذبده وحمصته ف طاسه سخنه دقيقتين بس عشان ريحته تبقي خطيره ونرشه فوق الكيك رهيبه 


وبالهنا والشفا


المصدر:Let’s Cook – يلا نطبخ

أضف تعليق