تعرفى على طريقة عمل بسكوت اللبن المحموس المميز

طريقة عمل بسكوت اللبن المحموس المميز 

 تعرفى على طريقة عمل بسكوت اللبن المحموس المميز

المكونات :

  • ٢ و نص كوب دقيق
  • نص كوب لبن بودره محموس أو متحمص
  • نص كوب زبده
  • نص كوب زيت
  • كوب سكر بودره
  • ٢ معلقه كبيره عسل أبيض
  • معلقه كبيره بيكنج بودر
  • ٢ بيضه
  • معلقه صغيره فانيليا

 تعرفى على طريقة عمل بسكوت اللبن المحموس المميز


الطريقه :

اول حاجه هنجيب طاسه على النار على حراره متوسطه و نحمص اللبن البودره مع التقليب المستمر لحد ما ياخد لون الكراميل و نخلي بالنا عشان بيتحرق بسرعه .
هنجيب بوله و نضرب الزبده و الزيت و السكر كويس لحد ما يبقى خليط كريمي و بعدين نضيف البيض و الفانيليا و العسل و نكمل ضرب ، هنقلب المكونات الجافه الدقيق و اللبن البودره و البيكنج بودر و نضيفهم على الخليط و نقلب بإيدنا او بمعلقه لحد ما المكونات كلها تختلط و تندمج ، هنلاحظ العجينه بتلزق شويه و دي عادي .
هنحط العجينه في كيس حلواني و نشكل في الصواني و نسيب مسافات .

 تعرفى على طريقة عمل بسكوت اللبن المحموس المميز


التسويه :

هندخل البسكوت فرن سخن على درجة حراره ١٧٠ حوالي ١٥ دقيقه لحد ما يبقى لونه حلو و لو احتاجنا الشوايه هنولعها آخر خمس دقايق و نخرجه من الفرن بيكون طري شويه و لما بيبرد بيقرمش و بيكون جميل و عشان نحافظ على القرمشه نحتفظ بالبسكوت في علبه محكمة الغلق .

 تعرفى على طريقة عمل بسكوت اللبن المحموس المميز


التزيين :

هنسيح شوكولاته خام و بيضا في الميكرويف او على حمام مائي و نحطها في كيس حلواني و نخطط على البسكوت و نزين بمكسرات او جوز هند او سكر ألوان أو سبرنكل و بالهنا .

 تعرفى على طريقة عمل بسكوت اللبن المحموس المميز


المصدر:Marwa Amara

أضف تعليق