تعرفى على طريقة عمل دولسي ديليتشي لذيذ

طريقة عمل دولسي ديليتشي لذيذ

المقادير

  • كيلو لبن مغللي وبارد ف التلاجه من قبلها بيوم عشان نشيل القشطه وده مهم وخطوه مهمه
  • كوبين من السكر لسه فاتحه الكيس بتاعه عشان خاطر ميبقاش رطب ف الجو ده
  • معلفه بيكنج صودا
  • رشه ملح مهمه جدا
  • معلقتين كبار لبن بودره ناعم


الطريقة

هو عبارة عن صوص مربي الحليب وازاي نعمل من اللبن مربي يعني فكره اي مربي اننا بنحطها مع السكر ع النار فتره ع الهادي لحد ماتخرج العصاره بتاعتها وتبقي تقيله ومسكره ده اللي بنعمله مع اللبن بالظبط يا جماعه ليه اخطاء كتير انشالله نعرف نتخطاها ونعمله حلو كده بس نمشي علي المقادير بالظبط
نيجي بقي للمهم نصفي اللبن من اي شوائب ونقلب فيه السكر واللبن البودر ونرفعه ع النار يسخن وبعدين ننزل معلفه البيكنج صودا الصغيره ونقلب ع الهادي  جدا 



ف الصور مبينه انا مراحل اللبن واهم حاجه وهو ع النار نشيل طبقه الرغوه من فوق كل عشر دقايق
بياخد تقريبا ساعتين ع النار هاديه لو رفعتب النار يسكر او مالونه يتغير ننزل نص معلقه الملح هتعادل السكر وتظبطه
وناخد.معلقتين ف طبق منه ونمرر المعلقه بينهم لو لمت علي بعض يبقي لسه محتاج شويه تاني ع النار  ف صوره ف الاخر توضح شكل المربي بتاعه الحليب استوت وبقت مظبوطه كده



تعرفى على صوصات للتزيين باسهل مكونات لجميع الماكولات

اهم خطوه عايزيه طبعا مظبط وناعم نصفيه وهو سخن ف مصفاه سلك مش بلاستيك ونضربه بالمضرب الكهربا هيلاح لونه ويبقي عامل زي شوكولاته الدهن نحفظه ف برطمان زجاج وياريت يبرد نغطيه عشان ميعملش قشره
مش هيكلفك كتير ولو اتزنقتي تعمليه ف البيت وطعمه رهييييب


المصدر:Let’s Cook – يلا نطبخ

أضف تعليق