تعرفى على طريقة عمل كحك بسمسم اللذيذه ونعومة الطعم خيالى

طريقة عمل كحك بسمسم اللذيذه ونعومة الطعم خيالى 


 مقادير :

  • كوب سكر ابيض
  • 3كوب دقيق منخول وعليه رشه ملح
  • كوب ذبده طريه او سمنه بلدي اللي يحب عادي
  • كوب  لبن دافي وعليه فانيلا
  • كوب سمسم للتزين
  • عشان يبقي هش وطري من جوه ومقرمش من بره هحط عليه معلقه بيكنج بودر تمام ومعلقه كبيره من المحلب او ريحه الكحك هتديله ريحه الفرن جدا مفيش بلاش عادي 
  • سمسم للتزيين اكيد
  •  بيضه


الطريقه…

زي ما بنتعامل مع الكحك بتاع العيد حطي الدقيق وعليه المكونات الدراي كلها قشطه ونقلب


وبعدين تنزللي بالذبده او السمن طريه مش سخنه بس طريه وتدعكيها ف الدقيق كويس يشربها عشان يبقي ناعم كده  وبعدين ننزل اللبن واحده واحده هتبقي عجينه طريه وناعمه كده اللبن حسب ما تحتاحي وحسب نوع الدقيق ممكن يقل شويه او يزيد المهم العجينه متكونش ناشفه معاكي  


وبعدين  تريحها عشر دقايق وتعملي كور وتدوسي عليها بايدك بسيط وتمسحيها ببياض البيضه وتنزليها ف السمسم وتحطهم ف الصاج وتسبيها نص ساعه ودي مهمه عشان ترتاخ وتبقي هشه وناعمه وعلي فرن  سخن تمام لونها يبقي ذهبي كده لو حابين الشوايه يبقي تمام وبعيد تبقي فاتحه عشان مش تنشف منك
وتخرج تتقدم جميله  جدا ولذيذه ف الفطار



المصدر:Let’s Cook – يلا نطبخ

أضف تعليق