تعرفى على نصايح للمطبخ مفيدة ومهمه (1)

 نصايح للمطبخ مفيدة ومهمه (1)


– البطاطا المشوية واعمليها في الكيس الحراري رشي عليها سكر وتدخليها الفرن هتستوى اسرع وهتبقى حلوة
– ادعكي الفراخ ببصلة وملح وفلفل قبل السلق عشان يبقى ليها طعم وريحة ومتبقاش زفرة
– لما تشربي القهوة مترميش التفل ده سكرب هائل لبشرتك ادعكى بية وشك وايدك


– اكياس الشاي مترميهاش سقعيها وحطيها علي عينك للاجهاد والهالات السودا
– الرز باللبن ضيفي كيس كريم شانتيه هيخلى الطعم جامد وزى بتاع برة بالظبط
– والبسبوسة لازم عسل ابيض او عسل تقيل في العجن عشان تكون زى الجاهزة واحلى كمان
– رشي دقيق علي بصل الكشري قبل التحميرعشان يكون مقرمش
– بيكنج بودر علي عجينة الكفته المشوية ميخلهاش تكش وتكون منفوشة زى ما هى


-لاحلي صلصة مكرونة اضربي مع الطماطم توم وفلفل رومي وفلفل حامي
– إدهني الفراخ والبط بكاتشب وملح وفلفل  قبل ما تحطيها فى الفرن هيخليها لونها حلو
– الممبار 45 دقيقة لسلقة
– الفراخ المحشية ساعة وربع
– الكيس الحراري لتسوية الفراخ والبط
– حشو الجلاش موتزريلا مع العصاج



– الرز البسمتي اكشفي الغطا بعد ما يستوي عشان يبقى مفلفل ميعجنش
– وانتي بتقلي البانيه حطي ملعقة زبدة مع الزيت هيبقي زي المطاعم
– تعرفى انك لو نخلتى الدقيق اكتر من مرة الكيكة هتطلع هشة اكتر

– تعرفى انك لما تيجى تعملى معجنات وتضيفى للدقيق
بيكنج بودر مع الخميرة العجينة هتبقى احلى وهتعلى اكتر

– وانتى بتعملى معجنات حطى معلقة خل على الدقيق هيخلى العجينة هشة معاكى


– لو عايزة تعملى كيكة برتقال ومفيش برتقال
حطى معلقة عصير تانج برتقال مع كوب لبن وهيبقى عندك عصير برتقال
– لو مساحة مطبخك صغيرة ممكن تستغلي الحوائط في تعليق أدوات الطبخ والتوابل وفوط المطبخ .




المصدر:أمنية ماهر

أضف تعليق