تعرفى على نصايح للمطبخ مفيدة ومهمه (2)

                     نصايح للمطبخ مفيدة ومهمه (2)



1–الملوخيه انتى وبتسويها متضعيش عليها الغطاء الا وقت الطشه وتشليها علشان متسودش منك وتفصل
2–بعد ما تقورى الباذنجان ادعكى ايدك بليمونه علشان متسودش او البسى جونتى وانتى بتقورى
3–بعد ما تخلصى خلطه المحشى وقبل ما تحشى ضعى للخلطه ربع كوب زيت بتخلى المحشى يلمع وطعمه جميل “


4–لو بتعملى الرز بالسمنه يبقى اول ما تضيفى الميه ابقى ضعى فى الماء معلقة زيت علشان يطلع مفلفل وبيلمع “
5–قبل ما تقلى الباذنجان رشى عليه ملح وحطيه فى مصفاه على الحوض هينزل كل الميه ومش هيشرب زيت فى القلى “
6–اللحوم وهى بتتسلق لو عاوزه تزودى ماء زودى لها ماء مغليه وليست ماء ساقعه لان الساقعه هتخليها من غير طعم “
7–وانتى بتعملى صنية رقاق ضعى ربع معلقة بيكنج بودر فى الشربه اللى هتسقى بيها الرقاق هيبقى مورق ومش هينشف منك


8–الكفته اعمليها بالبرغل هيمتص الميه وهيحافظ على حجم الكفته “
9–ضعى معلقة ماء مثلجه فى بيض البانيه .هيفضل الزيت نظيف لحد اخر قطعه “
10– يفضل تخزين البهارات في مكان بارد ومعتم وجاف لان الحرارة والرطوبه والضوء تجعل البهارات تفقد نكهتها
– لما تطحني السكر ويبقى فيه خشونه حطي ملعقة نشا واطحنيه مره ثانيه يطلع السكر ناعم وابيض .
11- وضع قليل من النسكافيه مع البيض لدهن الفطائر يعطيها لمعة حلوووة ..


12– إذا سويتي عجينة فطائر حطي مع العجين شوية زبادي او لبن يخليها هشه ..
13– سر نجاح الكب كيك أضافه معلقه خل ابيض مع كل كوب لبن
14- يفضل وضع خلطة البيتزا ع العجينه وهي باردة((أقصد الخلطه تكون باردة))لان لو وضعت وهي حارة يضل المكان تحتها عجين .


15- لتفادي انكسار البيض اثناء الغلي ضعي قطعة ليمون او قليل من الخل مع الماء ..
16– أثناء غلي الماء والسكر في عمل الشربات ضيفي لها قليل من عصير الليمون وبإذن الله ماتتكتل .
17- وضع القليل من الخل لزفاره البيض في المعجنات
تعرفى على نصايح للمطبخ مفيدة ومهمه (1)


المصدر:أمنية ماهر

أضف تعليق